Өлең, жыр, ақындар

Әрине, балаң басқа

  • 30.04.2019
  • 0
  • 0
  • 2492
Әрине, балаң басқа,
Жарың басқа.
Бөледі көңіліңді қарындас та.
Шаруасы тіршіліктің біткен емес,
Бір кезек дем ал дейсің бәрін тастап.
Не табам шынында үйге қамалғанда?
Не табам өзіме-өзім қаналғанда?!
Бір мезет дұрыс шығар сергіген де,
Бір мезет дұрыс шығар дем алған да
Қызықтың қашқаны ма,
Қуғаны ма?
Осылай тарайды бір у қаныңа.
Жұмыстың бәрін ұмытып,
Қойып кетем
Өмірдің дүрілдеген думанына.
Құштар ғой ойын-тойға өте халық.
Құлағын түрер жырға жата қалып.
Содан соң сері күндер,
Сері түндер
Өзімді қақпақылдап кетеді алып.
Қысқасы,
Жалын сөзден қызып денем,
Ай бойы,
Апта бойы қызық көрем.
Шеті жоқ,
Шегі де жоқ
Керемет бір
Көңілдің шалқарында жүзіп берем.
Келемін баяғыдан жазып, көкем.
Адамға тамақ қана азық па екен!
Жүргенде демалыста өңім кіріп,
Жұмыссыз іштей бірақ азып кетем.



Пікірлер (0)

Пікір қалдырыңыз

Атқан кезде ал қызыл ғаламат таң

  • 0
  • 0

Атқан кезде ал қызыл ғаламат таң
Сақта мені өсектен,
Балағаттан!
Татулықтың бәрі де түсінуден,

Толық

Қолжазба өртеу

  • 0
  • 0

Бұл ақиқат —
Шаруам жоқ ертегіңде,
Мен бір повесть жазған ем ерте күнде:
Сақтап-сақтап келдім де.

Толық

Жапырағын жайып ауыл терегі

  • 0
  • 0

Жапырағын жайып ауыл терегі,
Жас-кәріге көлеңкесін береді.
Не болса да шындықты айтып
Достардан

Толық

Қарап көріңіз