Өлең, жыр, ақындар

Сол сияқты іздегенің сенің де

  • 30.04.2019
  • 0
  • 0
  • 3573
Сол сияқты іздегенің сенің де.
Солай ма еді?!
Солай шығар тегінде!
Көзді жұмып бір өтірік айтып ең,
Сол арқылы кіріп алдың сенімге.
Ұмыттың тез шындық толы шат күнді,
Өнер бірақ кешірмейді сатқынды.
Шапан кидің — бір өтірік айтып ең,
Тағы өтірік айтып едің — ат міндің.
Әрбір сөзің о жағынан өте ірі.
Сол сөзбен-ақ мал таптың сен отырып
Жаңа сойған қойға айналып,
Сен үшін
Жаңа піскен нанға айналды өтірік.
Сен бірақ та кеней берме көмейді.
Уақыт ертең бәрін екшеп, елейді.
Тарих әсте
Ақиқатқа — шындықпен,
Өтірікке — жалғанменен телейді.



Пікірлер (0)

Пікір қалдырыңыз

Жапырағын жайып ауыл терегі

  • 0
  • 0

Жапырағын жайып ауыл терегі,
Жас-кәріге көлеңкесін береді.
Не болса да шындықты айтып
Достардан

Толық

Таң

  • 0
  • 0

Күншығыстан нұр алып,
Қалғып-мүлгіп жатты ну.
Жусан желден ырғалып,
Жасап кетті жаттығу.

Толық

Жаңбырдан соң

  • 0
  • 0

Жалт-жұлт етіп, сарт-сұрт етіп жалт ойнап,
Жаздай жаңбыр жаумап еді — жұрт айғақ.
Бимаза жел аспан астын аралап,
Бір мезгілде алып келді бұлт айдап.

Толық

Қарап көріңіз