әйел туралы қазақша әзіл, анекдот

Әйелі күйеуіне келіп: - Менің машинамның карбюраторына су кіріп кетті. - Карбюраторда қайдағы су? - Мен айтып тұрмын ғой су. - Сен карбюратордың не екенін білмейсін ғой!!! Көрсет, қане сенің машинаң? - Бассейнде!!!!!!!!

карбюратор, Әйел

Күйеуі ваннада қырынып жатып, ашуланып: - Жаңа лезвие сатып алдым, бірақ өтпейді құрып кеткір... Ар жақта әйелінің дауысы: - Қызық, линолеумді жақсы кесті бірақ!))

линолеум, лезвие

Ерлі-зайыптылар демалысында палатка, керек жарақтарын алып табиғатқа шығады. Демалыстарының екінші күні кешкісін жақсылап тамақтанып ұйқыға батады. Бірнеше сағаттан кейін әйелі күйеуін оятады. Күйеуі ұйқысын бөлгеніне ренжігендей болып “Не болды, неге ояттың?” деп сұрайды. Әйелі үрейлі дауыспен: - “Жоғарыға қарашы, не көріп тұрсың?” деп сұрайды. Күйеуі аспанға бір қарап жауап береді: - Осыған бола ояттың ба мені? Ал қарадым, миллиондаған жұлдыздарды көріп тұрмын. - Жарайды бұлар саған нені көрсетіп тұр? Әбден ұйқысы ашылған күйеуі кішкене ойланып тұрып былай жауап береді: - Теологиялық жағынан қарағанда Құдайдың құдіретін және өз әлсіздігімді көріп тұрмын. Философиялық тұрғыдан қарағанда аспанның шексіздігін және оның алдында өзімнің түкке тұрғысыз екенімді көріп тұрмын. Астрономиялық жағынан галактикалардың, жұлдыздардың, планеталардың бар екенін көрдім. Ал жұлдыздардың орналасуына қарап арыстан шоқжұлдызына кіргенімізді және сағаттың түнгі 3 болғанын көріп тұрмын. Метеорологиялық тұрғыдан да ертең күннің ашық болатынын көріп тұрмын. Түннің ортасында неге сұрадың бұларды? Жарайды, ал енді сен айтшы, бұл саған нені көрсетіп тұр? - Маған палаткамызды ұрлап кеткенін көрсетіп тұр...

Ерлі-зайыптылар, палатка

Бір кісі дәрігерге барып: - Дәрігер мырза, әйелімнің құлағы естімей қалған сияқты, не істеуге болады?- дейді. - Үйге барғанда әйеліңіздің артында, біраз ұзағырақта тұрып, орташа дауыспен оған сұрақ қойыңыз. Егер сізді естімесе жақынырақ барып сол сұрағыңызды тағы қайталаңыз. Қандай қашықтықта еститінін анықтайық, соған қарай бір ем қарастырамыз. Әлгі кісі үйіне қайтады. Асхананың есігінде тұрып орташа дауыспен: - Жаным, кешкі асқа қандай тамақ жейміз?- дейді. Әйелі жауап бермейді. Ол жақынырақ келіп тағы да сұрайды: - Жаным-ау, кешкі асқа қандай тамақ жейміз? Әйелі тағы да жауап бермейді. Ол жанына келіп тағы: - Бүгін кешкіге қандай тамақ? Әйелі: - Үшінші рет айтып тұрмын ғой саған, котлет!.. ))

әйел, котлет

Көлік дәметкен әйел Күйеуі әйелінен сұрап жатыр: - Сүйіктім, туған күніңе не сыйлайын? Әйелі: - Маған үш секундта 100-ге дейін жететін нәрсе сыйлашы. Күйеуі ойлана келіп, таразы сыйлапты.

күйеу, әйел

Бір толык əйел фейримен жуынып жатыр екен. Содан үйiне кұрбысы келiп: - Ей, сен жындысың ба, фейримен ыдыс жуады ғой?! - десе, жуынып жатқан əйел: - Фейри майды кетiредi, - деп естiдiм дептi

Толық әйел

Бір байдың әйелі күтуші қызды жұмысынан босатып жібереді. Әлгі қыз есіктен шығып бара жатып, босағадағы жатқан екі итке біраз тиын-тебен тастап кетеді. — Мұныңмен не айтпақсың? — Бұлар мен жуып үлгермеген ыдыс-аяқты жалап, маған үнемі көмектесіп тұрды...

бай, әйел

Бір сұлу қыз көшеде кетіп бара жатып, аяғы сүрініп құлап қалыпты. Сол маңда тұрған 3-4 жігіт мұны көріп қарқылдап күліп жіберіпті. Үстін сүртіп орнынан тұрған қыз жігіттерге қарап: - Бұл маңда ер адамның болмағаны қандай жақсы болды, әйтпесе ұят болар еді - депті

Әдеп

- Отағасы, бүгiн екеумiздiң шаңырақ көтергенiмiзге бақандай 15 жыл болыпты. Қорадағы семiз қошқарды соймадық па? - Есің дұрыс па? Малдың не жазығы бар? Екеумiздi таныстырған Қуандықты сояйық!

жанұя

- Шашыңызды қалай алайын? - Үндемей!!!

әзіл, анекдот

Супермаркетке кіріп ештеңе алмай шыққанымда, сатушы түгілі өзім күмәнданам өзімнен: - Бірдеңе іліп кетпедім бе? - деп.

сатушы, ұры

Бір еврей толық медициналық тексеруден өтіп дәрігерден нәтижесін білуге келіпті — Тексеру нәтижесі сіздің жасыңызда жаман емес. — Дәрігер, қалай ойлайсыз, мен сексен жасқа дейін өмір сүре аламын ба? — Сіз ішімдік ішесіз бе? Шылым тартасыз ба? — Жоқ, мен ешқашан ішкен де шеккен де емеспін. — Сіз майлы ет-тағамдарды көп жейсіз бе? — Жоқ. — Мүмкін сіз күннің астында уақыт көп өткізетін шығарсыз, мысалы гольф, футбол ойнап? — Жоқ, мен спорттық ойындарды көп ойнамаймын. — Онда сіз құмар ойындар ойнайтын шығарсыз. Карта, казино? — О не дегеніңіз, жоқ әрине! — Онда сізге сексенге дейін өмір сүріп не керек?

еврей анекдоттары, дәрігер

— Ағылшынның еврейден не айырмашылығы бар? — Ағылшын қоштаспай кетіп қалады, ал еврей қоштасып алып кетпей тұрады.

еврей анекдоттары, ағылшын

Шаштараз трейдердің шашын алып жатыр екен. — Биржада жағдайларыңыз қалай? — Бәрі ойдағыдай... 2-3 минуттан кейін тағы — Биржада жағдайларыңыз қалай? — Рахмет, барлығы ойдағыдай... тағы 2-3 минуттан кейін — Биржада жағдайларыңыз? — Жақсы дедім ғой, неге бір сұрақты қайталап сұрай бересіз?! — Түсінесіз бе, сізден осы сұрақты сұраған сайын шашыңыз тікірейіп кетеді, қиюға ыңғайлы.

шаштараз, әзіл

Джон Рокфеллер жүз мың доллар табуды және жүз жасқа дейін өмір сүруді армандаған екен. Арманның барлығы орындала бермейді әрине, ол 192 млрд доллар тапты және 97 жасқа дейін өмір сүрді.

миллиардер, арман

Ешкімге сенуге болады

сенім

Ас үйге анамның жанына барып, қатты құшақтап, бетінен сүйдім. Енді отырып, әңгіме айтайын деп жатсам, "Не болды, балам? Мегабайтың бітіп қалды ма?"- дейді. Ана жүрегі деген, шіркін, бәрін сезіп қояды ғой!))

интернет, ана

Бір күні құмырсқалар соғысқа кетіпті. Содан олар базаны охранять етуге яғни илеуді қорғауға бір құмырсқаны тастап кетіпті.Құмырсқалар соғыстан келсе әлгі охраник жылап отыр екен. Бәрі не болды десе база бұзылды, аю мыжып кетті депті.Құмырсқалар ызаланып: кегіңді қайтардың ба десе, әлгі охраник: "ия, аюдың апанының дәл алдына барып тышып кеттім" депті))

құмырсқа, аю

- Кеше тойға барған едік. Той той болмады. Тым-тырыс өтті. - Неге? - Тойханада тегін Wi-Fi бар екен))

той, уайфай

Жаттығудан шыққан жігіт, қызымен көшеде серуендеп келе жатады. Ал олардың жанына Мерседес автокөлігі келіп тоқтайды. Сол сәтте қыз: "Кешір жаным. Мен мына көліктегі жігітпен кетемін. Себебі ол - бай жігіт. Ал сен жай ғана спортшысың. Сау бол" - деп көлікке мінеді. Сонда көліктегі жігіт қызға былай дейді: "Кешірерсіз ханым. Мен бұл жерге сіз үшін тоқтаған жоқпын. Мен сіздің қасыңыздағы жігіттің "Көлік жүргізушісі" едім. Сол жігіт мінгесін мінерсіз, ал енді түсіңіз" деп түсіріп тастайды...

Тәрбие, қыздар

Күнi бойы iшкен еркек түнде шөлдеп оянып, жанында жаткан әйелiне: - Қатын, су әкелшi, ауызым кеуiп бара жатыр! - У керек емес пе, атауыңды iшкiр? Мен бе екен ауызың арақ құйған? Жат ендi жыбырламай, ұйқы бермедiң ғой адамға! Бiраздан кейiн күйеуi: - Құлың болайын, алып келе қойшы, өлiп барам... - Мен саған жат дедiм ғой, ендi қақылдай беретiн болсаң, оқтау алып келiп басыңды жарам! - Оқтауға барып жатсаң, келерiңде су ала келшi депті ғой

жұбайлар

Бір күні жындыханада бір жынды өлем деп талға арқан байлап беліне байлаган екен. Сонда бір дәрігер келіп: - Не істеп тұрсың? - депті. Әлгі жынды: - Өлгім келед. - Дәрігер: - Өлгің келсе арқанды белге емес мойныңа байласай. - Жынды: - Байлап көрдім, ауа жетпей кетті. депті

жындыхана, әзіл

Қоян ақша жинап мотоцикл алыпты. Мотоцикліне мініп алып көшеде келе жатса, аю тоқтатып қасына отырып алыпты. Бір уақытта қоян аюға: - Аю көзіңді жұм, қазір анау камаздың астынан өтіп кетеміз, - депті. Аю көзін жұмады, қоян камазды айналып өтіп кетеді. Аю таңқалып, ертесіне мотоцикл сатып алып, бала-шағасын мінгізіп алып: - Қане, балаларым, көздеріңді жұмыңдар, қазір анау келе жатқан камаздың астынан өтіп кетеміз, - депті. Біраздан соң қараса мотоциклі бір жақта, алты баласы алты жақта, әйелі бір жақта быт-шыт болып жатыр екен. Аю жыны келіп, қайсысың көзіңді ашқан! - депті

аю, қоян

Бір жігіт пен қыз қыдырып жүрсе керек. Бір кезде қыз: - Мен тоңып қалдым, -депті. Жігіт костюмін шешіп береді. Біраздан соң қыз: - Тағы да тоңып барамын,-дейді. Жігіт дереу көйлегін шешіп береді. Тағы біраздан соң қыз: - Білесің бе, бала кезімде өстіп тоңып қалсам, әкем құшағына алып жылытатын еді, -депті. Сонда жігіт: - Енді түн жарымында мен саған әкеңді қайдан табамын, -деген екен.

қыз, жігіт

Тыйым салынған жерден бұрылыс жасамақ болған әйел жүргізуші бір ер кісінің көлігін соғады. Бақыттарына орай быт-шыты шыққан көліктерден екеуі де аман сау шығады. Еңбектеп, әрең дегенде сыртқа шығып әбіржіген түрде екеуі бір-біріне қарап күліп жібереді. Ашу мен өкініш те көрініс тапқан күлкіні әйел бірінші үзіп: - Көліктеріміз быт-шыт болғанымен, екеумізге де ештеңе болмапты. Міне қызық! Сіз еркек мен әйел, меніңше бұл екеуміздің танысуымыз үшін белгі болса керек! Өміріміздің соңына дейін дос болып қалуымыз керек,- дейді. Ер кісі: - Сөзіңіздің жаны бар!- дейді. Әйел: - Қараңыз көлігім астан кестені шығып, аударылғанымен ішінде мен және мына шөлмектегі шарап аман қалыппыз! Айтсаң ешкім сенбес! Меніңше біз дәл қазір осы шөлмекті бөлісіп, аман қалғанымыз бен таныстығымызды жууымыз керек,- деп бөтелкені ер кісіге ұсынады. Апат салдарының абыржуы кете қоймаған кісі шөлмекті жартысына дейін ішіп, қалғанын әйелге ұсынады. Қолындағы тығынмен бетін жапқан әйел, шөлмекті өзіне қайтарады. Таң қалған ер кісі: - Сен не ішпеймісің?- деп сұрайды. Сондағы әйелдің айтқан жауабы: -Жоқ! Мен МАИ қызметкерінің келуін күтемін! ))

Жол, апат