ақылды туралы мақал-мәтел

Ақылды "көндім" десе, Ақымақ "жеңдім" дейді.

ақылды, ақымақ

Есі мақұл дауласса, Сөздері асқар ала таудай болар. Бір тентек, бір ақылды дауласса Атысқан жаудай болар. Екі тентек дауласса, Сап-саудай болар.

дау, тентек

Ақылды кісіні аяла, Ақымақ кісіні аяма.

ақылды, ақымақ

Ақымақ ішкен-жегенін айтады, Ақылды көрген-білгенін айтады.

ақылды, ақымақ

Ақымақпен астаспа Ақылдымен қастаспа.

ақымақ, ақылды

Тақырға біткен төбе Таудай көрінеді. Екі тентек қосылса Саудай көрінеді. Бір тентек бір ақылды қосылса, Жаудай көрінеді.

ақыл, ақылды

Ақылды арын қорғайды, Сараң малын қорғайды.

ақыл, ақылды

Ақылды мақтанса, істі тындырар, Ақылсыз мақтанса, аяғын сындырар.

ақыл, ақылды

Ақылдыға ишарат, Ақымаққа таяқ.

ақыл, ақымақ

Екі мақұл дауласса, сөздері асқар ала таудай болар. Бір тентек бір ақылды таласса, атысқан жаудай болар.

дау, тентек

Ақылдыға ишарат та артық.

ақылды, ақыл

Ажал ақмақ үшін алтау. Ақылды үшін біреу.

ажал, ақылды

Ақылсыз адам "менмен" келер, Ақылды адам - кеңінен келер.

ақылды, ақылсыз

Ақылды отқа қарайды, Ақымақ қазанға қарайды.

ақылды, от

Ақылды көршің — саяң, Ақымақ көрші — шаян.

көрші, ақылды

Ақылды көрші — төрің. Ақымақ көрші — көрің.

көрші, ақылды

Ақылды басшың болса, елдің алды боларсың, Ақылсыз басшың болса, елдің азы боларсың.

ақылды, басшы

Ақылды ер әр адамның көңілін аулар, Күйзеліп күнде күншіл жоқты даулар.

ақылды, ер

Ақылды кісінің ісі де ақылды, Біліксіз кісінің «біліксіз» деген аты да былғаныш.

ақыл, ақылды

Ақылды қанша қараңғы болса да, алысты көреді, Ақымақ ақыр заман болса да, мәз боп жүреді.

ақылды, алыс

Ақылды қомағай астына қарар, Ақылсыз қомағай үстіне қарар.

ақылды, қомағай

Ақылды ой ойлағанша, Тентек ісін бітірер.

ақылды, ой

Ақылды үшін дүние толған тікенек, Бассаң, кірер аяғыңа, байқа тек!

ақылды, дүние

Ақылдыны іздегеннің өзі — нағыз ақылды, Білімдіні іздегеннің өзі — нағыз білімді.

ақылды, білімді

Ақылды істі асығып ойланбайды, Ішегің көп жүгірсең майланбайды.

ақылды, асығу