Көшкен жұртыңның парқын
Қонған жұртыңда білерсің.

Ілмектер: көрші, жұрт, қырғыз мақалы

---

---

Биің алаң болса,
Жұртың ылаң болар.

Ілмектер: би, жұрт, қырғыз мақалы

---

---

Көшкісі келген жұртын жамандайды.

Ілмектер: жұрт, көшу, жамандау, қырғыз мақалы

---

---

Баспас ат, өтпес пышақ – жұрт айтады.
Жігітті осы екеуі қартайтады.

Ілмектер: ат, пышақ, жұрт, жігіт, қырғыз мақалы

---

---

Ата қоныс – алтын мекен.

Ілмектер: ел, жұрт

---

---

Аспандағы бұлтқа қарама,
Жердегі жұртқа қара.

Ілмектер: жер, жұрт, бұлт, Атамекен, Ел, Халық

---

---

Әкім тура болмаса, жұрт бұзылар,
Саудагер жаман болса, нарық бұзылар.

Ілмектер: әкім, жұрт, саудагер, нарық

---

---

Бағбан еңбектің қиыншылығын көрмесе,
Жұрт жемістің дәмін татпас еді.

Ілмектер: бағбан, еңбек, қиыншылық, жұрт, жеміс, дәм

---

---

Балаңа байқап сөйлесең, ақылыңа көнер,
Байқамай көп сөйлеген, жұрт ішінде өлер.

Ілмектер: бала, тәрбие, ақыл, жұрт

---

---

Білікті адам жұрт тынғанда сөйлейді.

Ілмектер: адам, жұрт, біліктілік, сөйлеу

---

---

Байлығы тайған бек
Жұртсыз күн көре алмайды.

Ілмектер: бай, байлық, бек, жұрт, күн

---

---

Бұрын айтылмаған білімді
Жұрт сөзіңнен таниды.

Ілмектер: білім, жұрт, сөз

---

---

Әдепсіз үйге кіріп болмас,
Әкімсіз жұртта тұрып болмас.

Ілмектер: әдеп, үй, әкім, жұрт

---

---

Жат елдің жақсысы болғанша,
Өз еліңнің сақшысы бол.

Ілмектер: ел, жұрт

---

---

Туған жердің торғайы
Тұрымтайдай көрінер.
Құлыны тайдай көрінер,
Қыздары айдай көрінер.

Ілмектер: туған жер, ел, жұрт

---

---

Азат елін сүйген ұл — бақытты,
Жаңа жұртын сүйген қыз — бақытты.

Ілмектер: тәуелсіздік, азат, жұрт, бақыт

---

---

Туған жердің
Түйе жейтін жапырағы да дәрі,
Түйе аунайтын
Топырағы да дәрі.

Ілмектер: туған жер, ел, жұрт

---

---