Өлеңдер - Bilim

Akhanova_zhuldyz

Дауысың жүрегімде із қалдырды,
Келбетің өзгелерден қызғандырды.
Сөздерің сезіміме ұласты да,
Жанарың жанарымды нұрландырды!

Қарағаның қимай-қимай тамсана,
Шексіз бақыт сыйлар маған қаншама.
Мен бағымды іздемеймін өзгеден,
Махаббатың қанша əуреге салса да.

Шын еді менің сені ұнатқаным,
Сезіміңді жүрекпен сұратқаным.
Аспандағы жұлдызым секілденіп,
Ұната берген сайын жырақтадың.

Етегімен көк суды кешіп жүріп,
Талай-талай ұл-қызды өсірді ұлт.
Қара басын тау менен тасқа ұрса да,
Қалдырған жоқ жетім мен жесір қылып.