Бала тәрбиесі

Бала тәрбиесінің ең үлкені-оны еңбекке баулу. Еңбекшіл жас қана ең үздік азамат болып қалыптасады.

Ә. Нұршайықов

Тәрбие тал бесіктен басталады. Баланың еңбекқор,ақылды,тәрбиелі болып өсуіне ата-анасы жауапты. Жақсы тәрбие көрген бала ешқашан жерде қалмайды. Айналасы жақсы адамдарға толып,үлкендерге құрмет көрсетіп,кішілерге өнеге беріп жүреді. Жалпы жақсы адам болып қалыптасқан баланың өмірі жақсылыққа толады. Көбінесе,қазіргі жұмысбасты ата-аналар балаларына дұрыс тәрбие бере алмай жүр. Мен бұндай оқиғаларды күнделікті өмірден және фильмдерден көрдім. Тек қана жұмысбасты ата-аналар ғана емес,басқа да отбасылар ішінде бар. Әркімнің тәрбиесі әрқалай. Тәрбие байлыққа,жоқшылыққа қарай бөлінбейді. Ең әуелі баласына тәлім тәрбие бергісі келетін ата анада ниет пен сүйеспеншілік болады.

Қазіргі кезде бала тәрбиесіне көп көңіл бөлінбей жүр. Балалардың көпшілігі жан жаққа шашылып кетті. Барлық бала бірдей емес. Себебі,әркімнің тәрбиесі әрқалай. Мен бұл сөзді қайталаудан таймаймын. Өйткені бұл-заңдылық. Қысқасы барлық адам бірдей тәрбие көрген жоқ. Сондықтан олардың балаларына беретін тәрбиесі де әртүрлі болады. Мысалы,ауыл мен қала балаларының алған тәрбиесі көпшілік жағдайда әртүрлі болады ғой,иә?Ауыл балалары ауылдағы ата әжелерінің қолында өсіп,қазақи тәлім-тәрбие көреді. Олар көбінесе ұлтшыл,намысшыл,салт дәстүрді ұстанатын болып өседі. Бірақ бәрі деп айтпаймын. Себебі,ауыл балаларының арасында қала балаларына еліктейтіндер табылары хақ. Ал қала балалары заманауи түрде киініп,шет елге қызығушылықтары басым болады. Осы жерде «Неге?» деген сұрақ пайда болады. Менің пайымдауым бойынша былай деп ойлаймын:қала көптеген ұлт өкілдері тұратын жер. Сол жерде әртүрлі тәрбиеленген орта бар. Олар бір-бірінен көру арқылы сол тәрбиеге бейімделе бастайды. Жалпы айтқанда,орта қандай болса,соған қарай бала да өзгереді.

Қорытындылай келе,менің айтқым келгені:бала тәрбиелеуде баланы қатты еркелетіп және еркінсітіп жібермеу керек. Әр нәрсенің өз орны бар екенін түсіндіру,үлкендерді сыйлап,еңбекке баулу қажет. Қысқасы жақсы тәрбие беру. Жақсы тәрбие көрген бала әрқашан өзің жақсы жағынан көрсетіп,үлкен жетістіктерге жетеді. Халық арасында айтады ғой «Тұңғышынды үйретсең,қалғандары да үйренеді» -деп. Яғни,бұл тәрбиенің арқасы. Тәрбиелі бала-тәрбиелі ұрпақ. Тәрбиелі ұрпақ-біздің болашағымыз. Болашағымыз жарқын болуы үшін,бала тәрбиесіне көп көңіл бөлгеніміз жөн.

Қаратөбе мектеп гимназиясының 9’‘Б’’ сынып оқушысы Бекболатова Лейли
Жетекшісі: Есетова Ақгүл Қаршығақызы

Әлеуметтік желілерде бөлісіңіз: