Кіру Тіркелу
Өлең, жыр, ақындар

Сүлеймен Баязитов

Қотыр тауық пен балта

        (Мысал)

Күлге аунады қотыр тауық,

Қатқан әбден сілесі.

Дүр сілкінді тыраңдап,

Басы айналды бұл несі?!

Бірте-бірте кірді есі,

Күлге қанша аунады.

Бит патшағар қалмады.

-Арсылдаған ит анау

Кімге тілін салмады?

Кімді қауіп алмады?

Ал мен болсам...

Кісіге де,

Малға да

Сүмең қағып жүргенім,

Ынжықтығым бұл менің.

-Әй, балта,

Үйдегі жаман қатынның,

Бұтарлайсың отынын.

Бас алатын қан ішіп...

-Сүйір тілді, қотырым,

Қанға құмар болмағын.

Білемін сенсіз ол жағын,-

 Деп орнына қонған-ды.

Ұйқыда маза болмады,

Қос қанатын қағып ед,

Жаңа бір ермек тауып ед.

Оянып кетіп биттері,

Апыр-жұпыр талады.

Сол-ақ екен қотырың.

Тарс айрылды талағы.

Ку-ка-ре-ку-ку,- деп

Әтеш болып ақырды.

Жаман қатын балтамен

Басын алды ақыры.

Білмеген өз орынын,

Табады солай қорымын.

 

Сүлеймен Баязитов

мысал

Пікірлер (1)

Пікір қалдырыңыз


Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер