Айрылысатын болған соң...

Қожанасыр әйелімен жанжалдасып ажырасатын болып, биге келіпті. Би Қожанасырға:

— Жұбайыңыздың аты-жөні кім еді? — деп сұрақ қойыпты.

Қожанасыр:

— Оны өзінен сұраңыз, аты-жөнін білмеймін! — депті.

— Бұныңыз қалай, бірнеше жыл отасып, бірге өмір сүріп, атын білмегеніңіз? — депті.

Оған Қожанасыр ашуланыңқырап:

— Айрылысатын болған соң атын білдім не, білмедім не? Әйтеуір бір биенің құлыны ғой, — дей салыпты.

қожанасыр күлдіргі әңгімелер ажырасу әйел

Пікірлер (1)