Өлеңдер Бөлімі

Мұғалімдер сәуір айынан бастап ұлттық біліктілік тестілеуінен өтеді

Қазақстан ұстаздарының ұлттық біліктілік тестілеуі осы жылдың сәуір айында басталады. Бұл туралы Білім және ғылым министрлігінің аппараттық отырысында вице-министр Шолпан Каринова мәлім етті.

«Елімізде 2018 жылы мұғалімдерді аттестаттаудың жаңа жүйесі енгізілгені баршаға мәлім. «Педагог мәртебесі туралы» заң аясында бұйрыққа өзгерістер енгізіледі. Енді барлық білім беру ұйымдарының, соның ішінде мектепке дейінгі ұйымдардың, мектептердің, техникалық және кәсіптік білім беру ұйымдарының, қосымша білім беру ұйымдарының мұғалімдері осы ережелер негізінде аттестаттаудан өтеді. Аталған бағыттар бойынша қаржыландыру барлық санаттар үшін жалақыны 30-дан 50 пайызға дейін көтеру кезінде мұғалімдердің санатын жақсарту мақсатында республикалық бюджеттен бөлінеді», - деді Шолпан Каринова.

Вице-министр сонымен қатар 2020 жылға дейін санаттар тек мектеп педагогтарына беріліп келсе, қазіргі таңда мектепке дейінгі, орта, техникалық және кәсіптік білім беру саласындағы мұғалімдердің бәрі де тестен өтуге мүмкіндік алғанын жеткізді. Оның айтуынша, биылдан бастап мұғалімдер біліктілік тестінен өте алады.

«2019 жылдың қараша-желтоқсан айларында бірінші рет компьютерлік форматта тест өткіздік. Биыл да тестілеуді компьютерлік форматта өткізу жоспарланып отыр. Әр оқытушыға жеке дербес компьютер беріледі. Сұрақтардың базасы да бар. Бүгінгі күні тест жаңартылды. Мұғалімдердің жалақысы 1 қыркүйектен бастап өсуі үшін осы жылдың сәуірінен бастап біліктілік тестілеуінен өту мүмкіндігі жолға қойылады», - деді Шолпан Каринова.


Әлеуметтік желілерде бөлісіңіз:

Қарап көріңіз

Пікірлер (2)

Гүлнұр

Саламатсыздар ма? әлемде болып жатқан жағдайға байланысты, яғни "Коронавирус" індетінің біздің елде де белең алып, қазіргі уақытта ауруды жұқтырғандар көптеп табылып жатыр. Соған байланысты елімізде карантин жарияланып жатыр. Бұл оқиға ұзаққа дейін созылуы мүмкін. Сол кезде біз қалай тапсырамыз? Барлық мекемелер, ұйымдар жұмыс жасамай жатыр. Мен ауылда тұратындықтан облыс орталығына барып тапсыруым керек. Пойыздар тоқтатылып жатыр, жолдар жабылып жатыр. Сонда біз қалай тестті тапсырамыз? Әлде уақыты кейінге шегертіледі ме?

Салтанат

Салеметсіздерме? Биылғы жылы сәуірде мұғалімдер нақты аттестациядан өтуге тест тапсыра ма?Еліміздегі жағдайға байланысты өзгерістер болмай ма?

Пікір қалдырыңыз

Басқа да жазбалар

×