Кәміл пірге сыйынсақ

КӘМІЛ ПІРГЕ СЫЙЫНСАҚ

1. Он сегіз мың ғаламды жаратушы, оның әміршісі – Аллаһ.
2. Алланың әлшісі, Ислам діннің пайғамбары – Мұхаммед (с.ғ.с.).
3. Мұсылман әйелдерінің пірі – Хауа ана мен Мұхаммед пайғамбардың (с.ғ.с.) қызы – Фатима.
4. Жер иесі – Қызыр ата.
5. Қыс иесі – Зымыстан.
6. Жаз иесі – Табыстан.
7. Су иесі – Сүлеймен пайғамбар.
8. Ұсталар мен шеберлер пірі – Дәуіт пайғамбар.
9. Дерт иесі – Лұқпан Хәкім.
10. Амандық, сақтық пірі – Ғайып ерен, Қырық Шілтен.
11. Қасиет, ырыс, береке пірі – Қыдыр және Ілияс пайғамбар.
12. Сабырлылық пірі – Аюб пайғамбар.
13. Білімпаздар пірі – Ідіріс пайғамбар.
14. Қаһариандар пірі – Әзіреті Әли.
15. Шейіттер пірі – Хамен мен Құсайын.
16. Жомарттар пірі – Атымтай жомарт.
17. Әділдік пірі – Жәмшид патша.
18. Түйенің пірі – Ойсыл қара.
19. Жылқының пірі – Қамбар ата.
20. Сиырдың пірі – Зеңгі баба.
21. Қойдың пірі – Шопан ата.
22. Ешкінің пірі – Шекшек ата.
23. Егіншінің пірі – Диқан баба.
24. Сараңның пірі – Қарынбай.

 

ПЕРІШТЕНІҢ ҚҰЛАҒЫНА ШАЛЫНСЫН

1. Жәбірейіл – Аллаһ тағала бұйрығын пайғамбарларға жеткізуші періште.
2. Мекайыл – табиғат періштесі.
3. Исрафил – қиямет күнінде жел тұрғызатын періште.
4. Әзірейіл – ажалы жеткендердің жанын алатын періште.
5. Мүңкір-Нәңкір – қабірде сұрақ алатын періште.
6. Қарамин – оң жақта отырып сауап алатын періште.
7. Катибин – сол жақта отырып күнә жазатын періште.
8. Суруш – даналық, зейін, ілім, білім періштесі.
9. Ібіліс – аздыру, азғыру періштесі.
10. Дардайыл – ай, күн, жұлдыз періштесі.
11. Зұлқайыл – қиямет күнінде таразыға алып баратын періште.
12. Ридуән – жұмақ періштесі.
13. Мәлік – тозақ періштесі.

 

НЕНІ ҰМЫТПАУ КЕРЕК

1. Жаратушы – жалғыз Аллаға қарыз.
2. Ислам дінінің иесі – Мұхаммед пайғамбарымызға (с.ғ.с.) қарыз.
3. Өмірге әкелген – ата-анамызға қарыз.
4. Тәлім, білім берген – ұстазға қарыз.

 

БҰЛЖЫМАС БЕС БОРЫШ

Ағайын, ілік, жақын, таныс адамдардың бір-біріне деген алты парызы бар. Олар:

1. Аллаға, пайғамбарға байланысты борыш;
2. Адамның өзіне байланысты борыш;
3. Мемлекет пен халық алдындағы борыш;
4. Үй іші, жақындарға арналған борыш;
5. Адамгершілік әлеміне деген борыш.

Бұл қағида Мұхаммед пайғамбарымыздан (с.ғ.с.) қалған.

 

АЙНЫМАС АЛТЫ ПАРЫЗ

Сыйлас, аралас-құралас жүрген адамдардың бір-біріне деген алты парызы бар. Олар:

1. Бір-біріне әдейі іздеп барып, сәлем беруге;
2. Шақырған кезде кідірмей баруға;
3. Кеңес сұраса – пайдалы ақыл қосуға;
4. Сұрағына – толық жауап беруге;
5. Ауырып қалса – көңілін сұрауға;
6. Қайтыс болғанда – жаназасына, жерлеуге қатысуға.

Бұл парызды да ұлы Мұхаммед (с.ғ.с.) айтқан екен.

әзірлеген

Бегімхан КЕРІМХАНҰЛЫ

Павлодар қаласы

---

Әлеуметтік желілерде бөлісіңіз: