Тәлім-тәрбие туралы мақал-мәтелдер

Жеті атасын білген ұл, жеті жұрттың қамын жер.
 
*** *** *** ***

Жақсы келін — қызыңдай,
Жақсы күйеу — ұлыңдай.
 
*** *** *** ***

Қызым, саған айтам,
Келінім, сен тыңда.
 
*** *** *** ***

Айтушы ақылды болса,
Тыңдаушы дана болады.
 
*** *** *** ***

Өзіңді-өзің сыйламасаң, өзгеден сый дәметпе.
 
*** *** *** ***

Сиыр су ішсе, бұзау мұз жалайды.
 
*** *** *** ***

Сұңқар қанаты ұшқанда қатаяды.
 
*** *** *** ***

Әкесі қой баға білмегеннің,
Баласы қозы баға білмейді.
 
*** *** *** ***

Кеме келсе, қайық судан шығады.
 
*** *** *** ***

Сақтықты соқырдан үйрен,
Кішілікті түйеден үйрен.
 
*** *** *** ***

Сын түзілмей, мін түзілмейді.
 
*** *** *** ***

Бабасы еккенді, баласы орады.
 
*** *** *** ***

Апасының киген тонын сіңлісі де киеді.
 
*** *** *** ***

Елгезек екі айтқызбайды.
 
*** *** *** ***

Тәрбиелі адам — тағалы атпен тең.
 
*** *** *** ***

Жақсылық еккен алғыс орады.
 
*** *** *** ***

Итті күшігінде үйрет.
 
*** *** *** ***

Үлкен бастар, кіші қостар.
 
*** *** *** ***

Шыбық тимес, шыңқ етер.
 
*** *** *** ***

Ұлы жол үйіңнің табалдырығынан басталады.
 
*** *** *** ***

Әдепсіз өскен адамнан, тәртіппен өскен тал жақсы.
 
*** *** *** ***

Үлкенді сен сыйласаң, кіші сені сыйлайды,
Кіші сені сыйласа, кісі сені сыйлайды.
 
*** *** *** ***

Ине өткен жерден жіп өтер.
 
*** *** *** ***

Ел болам десең бесігіңді түзе.
 
*** *** *** ***

Әдепті бала — арлы бала, әдепсіз бала — сорлы бала.
 
*** *** *** ***

Бесік көрмеген ессіз болып, есікке енеді.
 
*** *** *** ***

Баланың өскен бесігі — кең дүниенің есігі.
 
*** *** *** ***

Бесіктен белі шықпаған.
 
*** *** *** ***

Анасын сүйгеннің баласын сүй.
 
*** *** *** ***

Атаңа не қылсаң, алдыңа сол келер.
 
*** *** *** ***

Жақсы бала — сүйік, жаман бала — күйік.
 
*** *** *** ***

Есік көргенді алма, бесік көргенді ал.
 
*** *** *** ***

Ұяда не көрсең, ұшқанда соны ілерсің.
 
*** *** *** ***

Алдыңғы арба қалай жүрсе,
Соңғы арба сонда жүрер.
 
*** *** *** ***

Ағайынға қарап бала өсер,
Қарағайға қарап тал өсер.
 
*** *** *** ***

Тісі шыққан балаға,
Шайнап берген ас болмас.
 
*** *** *** ***

Жорғаның тері кеппес,
Жылауықтың көз жасы кеппес.
 
*** *** *** ***

Құс жеткен жеріне қонады.
 
*** *** *** ***

Тауда туған баланың,
Екі көзі таста болар.
Ашаршылықта туған баланың,
Екі көзі аста болар.

*** *** *** ***

Ағаны көріп іні өсер,
Апаны көріп сіңлі өсер.
 
*** *** *** ***

Жеті атасын білмеген — жетесіз.
 
*** *** *** ***

Сүтпен кірген мінез.
Сүйекпен кетеді.

Қарап көріңіздер

Үлгі туралы мақал-мәтелдер

Өнеге туралы мақал-мәтелдер

Тәрбие туралы мақал-мәтелдер

Сайттағы мақал-мәтелдер

Тәлім, тәрбие, үлгі, өнеге туралы мақал мәтелдер

---

Әлеуметтік желілерде бөлісіңіз: