Тамақтану мен дастарханға отыру мәдениеті

Басты бет / Салт-дәстүр / Тамақтану мен дастарханға отыру мәдениеті

Тамақтану мен дастарханға отыру мәдениеті — Салт-дәстүр бөліміндегі материал.

Материал — Тамақтану, дастархан, мәдениет — осы тақырыптарға байланысты.

Салт-дәстүр
20.07.2022
0
0
10950

— Қазақта таңғы асын ішпей шаруаға аттанбаған. Ең болмағанда бір үзім нан жеп кетуі керек. Асығыс адамның «нан ауыз тиейін», немесе «нан ауыз тисеңізші» деп жататыны да осыдан.

— Қолды жумай дастархан басына отырмайды. Қонақтарға тамақ берердің алдында және соңында үй иесі келгендердің қолына жылы су құйып, қолын шаюына жағдай жасайды.

— Дастархан басында отырғандарды ішіп-жеуге зорламау керек. Әр адам өзіне ұнаған дәмнен жеп, тәбетіне қарай ас ішеді. Бірақ ас ұсыну — жақсы қасиет.

— Тамақ жеуге кірісерде «Бисмилләһ» айтып, дұға оқып, бата беріп бастайды. Ең алдымен бір жапырақ нанды үзіп жеп барып, астан алады.

— Шайды ыстық күйде де, суық күйде де ішпейді. Асқазанға зиян.

— Ыстық тамақты,не шайды суыту үшін үрлеуге болмайды. Сүтті де үрлеп ішпейді. Тамақтың ырысы қашады деседі.

— Тамақ ішіп отырып қақалып қалған жанға «Май қап!» деп арқасынан қағады.

— Үстел басында тамақты, айталық, қолдан пісірілген нанды басқа бір нәрсемен салыстырып, жамандауға болмайды. (Мына нан қатты екен, піспей қалыптығой т.б)

— Тамаққа тойған болсаңыз «Әлхамдулилләһ», «Шүкір, қанағат» айтып үй иесіне рахмет айқан жөн.

— Нанды не тамақты тауысып ішпей қалдырып кетуге болмайды. Соңына дейін тауысып ішкен жөн. Бұл берекені білдіреді.

— Дастарханды, асты аттауға болмайды. Бұл — асты сыйламауды білдіреді.

— Тамақ тұрған үстелге қарай жөтелуге, түшкіруге болмайды. Бұл — мәдениетсіздік.

— Дастарханға отырғандардың бәрі тамақ жеп болмай, үлкендер бата бермей, үстелден тұрып кетуге болмайды.

Тамақтану дастархан мәдениет

Пікірлер (0)

Пікір қалдырыңыз

Ұқсас материалдар

Жиі қойылатын сұрақтар