Сауысқан мен көкек
Ертеде сауысқан мен көкек бір орманды мекендепті. Олар ұялары болмай, ағаштың бұтақтарын паналап күнелтіпті. Көкек күнде ерте тұрып алып: «ұя керек», «ұя керек», – деп, көршілерінің мазасын кетіреді. Бір күні сауысқан көршісіне:
– Екеуіміз бірігіп берік ұя істейік. Әуелі саған, содан кейін маған салармыз, – дейді. Көкек:
– Менің ұя салатын қуатым да, қауқарым да жоқ. «Керек, керек» деп қақсай берсем, құстың бәрі ағайыным, көп болып көмектесіп, ұя салып берер, – деп келіспейді.
Сауысқан көкектің көмегін күтпей-ақ, ұя салуға кірісті. Ол ұясының қабырғаларын жас бұтақтармен мықтап байланыстырды. Іші-тысын саз балшықтармен сылады. Кішкене бұтақтардан құрастырып, шағын қақпалы есік жасады. Ұяның астына мамықтан төсек төседі. Ал көкектің «керек, керек» деп қақсай-қақсай даусы қарлығып, тілі сақау болды. Ол кейінгі жылдарда «керек» дегендегі р-ды айта алмай, «керек» деудің орнына «келек, келек» дейді. Сондықтан жұрт оны кекетіп «көкек» деп атайтын болды. Сол көкектің күні бүгінге дейін өзімдікі деген ұясы да, үй-іші де жоқ. Жұмыртқасын кез келген ұяға табады, оны басқа құстар басып, балапан шығарады. Шібилер жетім өседі.
Пікірлер (7)
Пікір қалдырыңыз
Басқа да жазбалар
- Жануарлар олимпиадасы
- Ауылдың қорғаушысы Айдаһар
- Жануарлар патшасы кім?
- Отбасымен сафариға саяхат
- Көжек-Арқалық (қысқартылған нұсқа)
- Мақсатты түлкі
- Ғарыштағы Аюдың Саяхаты
- Атақты ұры мен айбынды жолбарыс ертегісі
- Аю көктемді ұйықтап қала жаздады ертегісі
- Сиқырлы Жол мен Достықтың Күші
- Су перісі
- Дәу мен Дәріке
- Қорқыт ата туралы аңыз
- Дене мүшелерінің таласы
- Байлық пен ақыл
Алтынай
Пікірім жоқ
Алтынай
Пікірім жоқ
Кәусар
Пікірім жоқ
Бибол
Пікірім жоқ
Бибол
Пікірім жоқ
Бмбол
Пікірім жоқ
Бибол
Пікірім жоқ