Киім жуған кезде қажет болатын лайфхактар

— Сарғайып кеткен киімді ағарту үшін оны 72%-дық кір сабынмен жақсылап көпіртіп, полиэтилен пакетке салыңыз. Оны ауа кірмейтіндей етіп жауып, бір тәулікке қалдырыңыз. Содан соң киімді шайып аласыз;

— Киімді ағарту үшін кір жуатын ұнтаққа 1 ас қасық лимон суын құйыңыз немесе жарты ас қасық ас содасын салыңыз. Алайда, оларды тек ақ киімге қолданыңыз, әйтпесе, басқа түсті киімнің бояуын кетіріп жіберуі мүмкін;

— Жүн немесе жібек киімдерге қыша ұнтағын қолдануға болады. 15 г қыша ұнтағын жылы суға ерітіп, жарты сағатқа қалдырыңыз. Содан соң кір жуатын суға құйыңыз;

— Синтетикадан тігілген сұрғыш реңді ақ киімдер де бар. Мұндай киімдерді қарапайым тұзбен жуған жөн. Киімді тұз ерітіндісіне (1 литр суға 1-2 ас қасық тұз) жарты сағатқа қалдырыңыз;

— Қыша ұнтағын кір жуғыш машинаға да салуға болады. Ол кезде 50 г қыша ұнтағын киіммен бірге барабанға салу керек. Киімді 40 градустан жоғары температурада жуыңыз;

— Ақ шұлықтар мен ішкөйлектерді ағарту үшін жылы суға бор қышқылын салып, сол суға ақ киімдерді 2 сағатқа қалдыру керек. Бор қышқылы дәріханаларда арзанға сатылады. 1 литр суға 3-4 ас қасық бор қышқылы жеткілікті;

— Сабын қалдықтары қолға ұстауға ыңғайсыз болғандықтан лақтырып тастаймыз. Одан сұйық сабын жасауға болады. Ол үшін сабын қалдығын бос ыдысқа салып, оған жылы су құйып, жақсылап араластыру керек. Содан соң одан хош иіс шығу үшін бірнеше тамшы эфир майын тамызуға болады. Мысалы, 250 мл сабынды суға 10 тамшы шай ағашы эфир майын тамызсаңыз, жақсы антибактериялық құрал пайда болады.

Әлеуметтік желілерде бөлісіңіз: