Бүгінгі жастар – технология дәуірінің, шексіз мүмкіндіктер мен ақпарат тасқынының ұрпағы. Бірақ дәл осы шексіз еркіндік пен таңдау мүмкіндігі олардың ең үлкен қателіктеріне айналып жатыр. Көпшілігі өмірдің мәнін іздеп жүріп, өзін жоғалтып алады. Оларды табысқа жеткізбей, керісінше, кейін тартатын басты қателіктерге тоқталайық.
Біріншіден, әлеуметтік желілердегі жалған өмірге сену
Қазіргі жастар әлеуметтік желілерде «идеалды өмір» сүретіндерге қарап, өздерін солармен салыстырады. Біреудің керемет демалысы, сәнді киімі, қымбат көлігі – барлығы фильтрден өткен, өңделген кадрлар екенін ұмытады. Жастар өздерінің шынайы өмірін осы жасанды картиналармен салыстырып, депрессияға түседі, өзін кем сезінеді.
Ең өкініштісі – олар шынайы өмірдің мәнін жоғалтады. Қолындағы телефонды қойып, нақты әлемге көз салудың орнына, олар өзгелердің виртуалды өмірін бақылап, өзінікін босқа өткізіп жатыр.
Әлеуметтік желі – құрал, бірақ оған тәуелді болу – қате.
Екіншіден, тез жетістікке жетемін деп, еңбектен қашу
Бүгінгі жастарға «жеңіл ақша» концепциясы тым жақын. Блогерлік, онлайн-бизнес, криптовалюта, ставка – барлығы “тер төкпей-ақ миллион табуға болады” деген иллюзия қалыптастырды. Бірақ ақиқат қандай?
Жетістік бір күнде келмейді. Әлемдегі ең табысты адамдар – Элон Маск, Илон Баффет, Джефф Безос – барлығы жылдар бойы тынымсыз еңбек еткен, қателескен, құлаған, қайта тұрған. Ал бүгінгі жастар бір рет қиындыққа тап болса, бәрін тастап, басқа нәрсеге секіруге дайын.
Шынайы табыс – тер төгіп, өз-өзіңді дамытудан тұрады. Жеңіл жол іздеген адам бір күн байып, ертең бәрінен айырылып қалатынын түсінуі керек.
Үшіншіден, өз пікірін қорғай алмау және жалған стандарттармен өмір сүру
Бүгінгі жастардың көбі қоғамның пікіріне тәуелді. Олар өздерінің қалауын емес, қоғамның күткенін орындайды. “Басқалар не ойлайды?”, “Ата-анам қарсы болады”, “Мені мазақ етпей ме?” деген ойлармен өмір сүріп, өз армандарын өлтіреді.
Көпшілігі шынайы өзін жасырып, трендке ілесіп кетеді. Қазір біреудің өзіндік ойы болу – сирек құбылыс. Барлығы көшірме, барлығы бір-біріне ұқсауға тырысады. Бірақ есіңде болсын: нағыз жетістікке жететіндер – стандарттарды бұза алатындар!
“Саған не керек? Өзің үшін не қалайсың?” деген сұраққа нақты жауап бере алмасаң, сен біреудің ойлап шығарған өмірін сүріп жатырсың деген сөз.
Оянатын уақыт келді!
Қазіргі жастардың ең үлкен қателігі – шынайы өмірді сезінбей, оны босқа өткізіп жатқаны. Оян! Сенің өмірің – сенің жауапкершілігіңде.
● Әлеуметтік желілерді бақылауды тоқтат, өз өміріңді жаса.
● Жеңіл жолды іздеуді доғар, еңбек етуді үйрен.
● Басқалардың ойына тәуелді болма, өз пікіріңді қорғай біл.
Сен – бірегей адамсың. Өміріңді трендтер мен қоғамның қалауына қарай емес, өз жүрегіңнің қалауы бойынша құр. Егер бүгін оянбасаң, ертең “қайда қателестім?” деп өкінуің мүмкін. Таңдау – тек сенің қолыңда!
«Journiverse» білім беру орталығының оқушысы: Жетисова Ботагөз
- Тлеуғабыл Шырайлым
- Тлеуғабыл Шырайлым
- Тлеуғабыл Шырайлым
- Тлеуғабыл Шырайлым
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі