Музыка әлемі

     Бүгінде музыка әлемі өте кең әрі алуан түрлі. Әр ұлттың өзіндік әуені, ұлттық аспаптары бар. Қазақ халқы үшін домбыра ерекше рөл атқарады, ал батыс елдерінде гитара мен фортепиано кең тараған. Қазіргі таңда музыка тек мәдени құндылық қана емес, үлкен индустрияға айналды. Әлемнің әр түкпірінде миллиондаған адамдар музыка тыңдап, концерттерге қатысып, сүйікті әртістерін қолдайды. Цифрлық технологиялардың арқасында Spotify, YouTube Music, Apple Music сияқты платформалар арқылы кез келген әнге оңай қол жеткізуге болады.

Музыка адамды біріктіреді, рухани байытады және шығармашылыққа жетелейді. Ол шекара мен тілді білмейді — әр әуен адам жүрегінің әмбебап тілі болып табылады.

Дегенмен, физикалық музыкалық аспаптар өндірісі мен осы саладағы кейбір көрсеткіштерде кері үрдістер байқалады. Мысалға, ҚазАқпараттың хабарлауынша, Қазақстанда 8 өңірде аспап өндірісі тіркелсе де, жалпы көлем өткен жылға қарағанда төмендеген. Алматы қаласы — өндірістің үлкен үлесіне ие өңір, бірақ онда өндіріс көлемі 7,8 % – ға кеміген. (CaspianPost мәліметі)  

Қазақстанда музыкалық іс-шаралар мен концерттер нарығы өсуде. Аудитория сұранысы артып, фестивальдер саны көбейіп келеді. Сонымен бірге онлайн стриминг пен жазылым моделі музыка тыңдаушыларға негізгі форматқа айналуда.

Халықаралық статистикаға сәйкес, 2024 жылы ғаламдық жазбаша музыка өнеркәсібінің табысы 29,6 миллиард АҚШ долларына жетіп, бір жыл ішінде 4,8 % өсім көрсеткен.  
Бұл өсімнің негізін — стриминг қызметтері құрайды: жазылым (paid subscription) стриминг кірістері 9,5 % өсіп, жалпы табыстың шамамен 51,2 % – ын құраған.  
Ал жарнамамен (ads-supported) қолдау көрсетілетін стриминг форматтары шамалы өсім көрсеткен — шамамен 1,2 %.  
Физикалық форматтардан (CD, музыкалық видеолар және т.б.) табыстар жалпы төмендеген: физикалық өнімдердің кірістері 3,1 % кеміген.  
Дегенмен винил форматы коллекциондық формат ретінде танылып, 4,6 % өсім көрсетіп, 18 жыл қатарынан өсіп келе жатқан трендке ие болған.  

«Journiverse» білім беру орталығының оқушысы: Омирбаева Гулжан