Ұлт ұстазы – Ахмет Байтұрсынұлы

    Ахмет Байтұрсынұлы – түркітанушы, публицист, қазақ әдебиетінің көрнекті өкілдерінің бірі. Ол 1872 жылы 5 қыркүйекте Қостанай облысы, Жангелдин ауданы аумағында дүниеге келген. Әкесі жастайынан қуғынға ұшырап, отбасында қиындық көп болғанымен, Ахмет білім жолын таңдады.

XX ғасырдың басында қазақ халқының азаттық қозғалысына белсене қатысып, «Алаш» партиясы мен «Алашорда» үкіметінің қайраткерлерінің бірі болды. Қазақ тіл білімі мен әдебиеттану ғылымдарының қалыптасуына өлшеусіз үлес қосқан Ахметті халқы бекерден-бекер «Ұлт ұстазы» атамаған.

Ұстаздық – үлкен жауапкершілік пен шеберлікті талап ететін ұлы жол. Мұхтар Әуезовтің «Ұстаз – ұлы есім» деген сөзі Ахмет Байтұрсынұлына тікелей қатысты. Ол тек мұғалім ғана емес, ұлтқа бағыт-бағдар көрсеткен шын ұстаз болды.

Ахмет Байтұрсынұлының қазақ халқына сіңірген еңбектері:

• Әліпби мен оқулықтар жасау. 1912 жылы «Оқу құралы» еңбегін жарыққа шығарып, қазақ балаларына арналған әліпби мен әдістемелік оқулықтар әзірледі. Оның еңбектері қараңғы қазақ даласына шырақ жаққандай әсер етті.
• Журналистика саласы. Ол «Қазақ» газетінің бас редакторы болды. «Газет – халықтың көзі, құлағы һәм тілі» деген әйгілі сөзі қазақ журналистикасының мәнін айқындап берді.
• Ұстаздық қызметі. Қостанай, Қарқаралы, Ақтөбе өңірлерінде балаларға сабақ беріп, талай шәкірт тәрбиеледі. «Бар қазақтың баласын оқыту қолымнан келмейді, бірақ бар қазақ баласы білім алуға тиіс» деген сөзі – оның бүкіл өмірлік ұстанымын көрсетеді.

Ахмет Байтұрсынұлының ұстаздық жолы жай ғана мамандық емес, ол – ұлттық миссия болды. Жан-Жак Руссоның сөзімен айтсақ: «Ұстаз болу – өз уақытын аямау, өзгенің бақытын аялау».

«Journiverse» білім беру орталығының оқушысы: Рашиден Тоғжан