Гавайи мен Жетісуды жалғаған тағдыр: Алатау Аткинсон туралы білесің бе?

Бізге алыс жатқан Гавайи аралдарын көбінесе теңіз, күн мен жағажайлар елестетеді. Ал Жетісу - қазақтың кең байтақ даласы, асқар тауы мен тұнық бұлағы. Бірақ бұл екеуін бір-бірімен не байланыстыруы мүмкін? Бұл екі алыс мекеннің арасында бір ерекше тұлғаның есімі алтын көпір болып тұр. Оның есімі - Алатау Тамшыбұлақ Аткинсон.

Бұл оқиға 1848 жылы Томас Аткинсон мен Люси Аткинсондардың Жетісу жеріне, нақтырақ айтқанда, Жоңғар Алатауынын етегінде орналасқан Қапал ауылына келуінен басталады. Осы жерде олардың тұңғыш ұлы дүниеге келіп, ата-анасы оған қазақ даласына тән әрі ерекше есім береді - Алатау Тамшыбұлақ.

Алатау Аткинсон кейіннен отбасымен бірге Еуропаға, одан кейін Гавайиға қоныс аударады. Бірақ оның өмір жолы бәрібір ерекше бағытқа бұрылады - ол Гавайи еліне барып, сонда өмір бойы ұстаздық және журналистік қызмет атқарады. Ол аралдарда білім саласын дамытқан көрнекті қайраткерге айналып, Гавайи елінде ерекше орын алады.

Қазір Гавайидің астанасы Гонолулуда Алатау Аткинсонның атымен аталатын көше бар -Atkinson Drive. Бұл - қазақ жерінде дүниеге келген адамның есімімен аталатын, шетелдегі сирек нысандардың бірі.

2016 жылы Аткинсондардың ұрпақтары Қазақстанға арнайы келіп, Томас, Люси және Алатаудың ізімен саяхат жасап шықты. Олар Қапал мен Тамшыбұлақ бұлағына барып, ата-бабаларының рухына тағзым етті.

Алатау Тамшыбұлақ Аткинсон қазақ емес, бірақ оның өмірі мен тағдыры қазақ даласымен ерекше байланысты. Ол қазақ жерінде дүниеге келіп, екі әлемнің арасындағы алтын көпірге айналды. Оның хикаясы бізге шекара мен ұлттан жоғары, адамзаттың ортақ тарихы бар екенін еске салады.

Фотосуреттер:unknowntalks парақшасынан алынған.