Қазіргі заман жастары арасындағы кітап оқу мәселесі

Бүгінгі таңда жастардың кітап оқуға деген қызығушылығы айтарлықтай төмендегені байқалады. Бұған заманауи технологиялардың дамуы, интернет пен әлеуметтік желілердің кеңінен таралуы әсер етуде. Ақпаратты жылдам әрі қысқаша алуға бейім жас ұрпақ кітап оқуға уақыт жоғалту деп қарайды. Бұл үрдіс жастардың сөздік қорына, ойлау мәдениетіне және дүниетанымына кері әсерін тигізуде.

Дегенмен, қазіргі қоғамда кітап оқуға жаңа көзқарас қалыптасып келеді. Электронды және аудиокітаптардың таралуы, буккроссинг қозғалыстары мен кітап фестивальдері жастардың назарын қайта кітапқа аударуда. Әсіресе өзін-өзі дамыту, психология және мотивациялық әдебиеттер қазіргі буын арасында кең сұранысқа ие.

Қоғамның зияткерлік әлеуетін арттыру үшін жастарды кітап оқуға баулу – маңызды міндет. Кітап оқу тек білім көзі ғана емес, рухани байлық пен мәдениеттің негізі. Сондықтан білім беру ұйымдары, отбасы және бұқаралық ақпарат құралдары бірлесе отырып, жастардың оқу мәдениетін қалыптастыруға ерекше көңіл бөлуі қажет.

Орындаған: Асалканова Жулдыз Амангельдиновна 

Оқу орны: Алматы қаласы, “Тұран” университеті