ЕҰУ-дің 2025 жылдағы беделі

    2025 жылы Л.Н. Гумилев атындағы Еуразия ұлттық университеті ғылыми әлеуеті жоғары, халықаралық талаптарға сай білім беретін жетекші жоғары оқу орны ретінде танылып отыр. ЕҰУ тек Қазақстанда ғана емес, аймақтық және әлемдік деңгейде жоғары білім беру саласындағы көшбасшылардың бірі болып саналады.

Университеттің жетістіктері халықаралық білім беру кеңістігінде кеңінен мойындалған. Ол Quacquarelli Symonds (QS), Times Higher Education (THE), UI GreenMetric, URAP, RUR және басқа да жетекші рейтинг агенттіктерінің тізімдерінен орын алды. Мәселен, QS World University Rankings 2019 мәліметі бойынша ЕҰУ Қазақстандағы үздік он жоғары оқу орнының қатарына кірген.

2025 жылғы QS Asia University Rankings қорытындысы бойынша ЕҰУ Азияның үздік 100 университетінің қатарына еніп, 71-орынға көтерілді. Ал QS World University Rankings бойынша университет 317-орыннан көрінді. Бұл көрсеткіштер ЕҰУ-дің ғылыми-инновациялық даму бағытының тиімділігін дәлелдейді.

Университеттің ғылыми инфрақұрылымы да біршама нығайды: жаңа зертханалар ашылып, ғылыми жарияланымдар саны артты. Бұл ЕҰУ-дің зерттеу университеті моделіне жақындай түскенін көрсетеді.

Халықаралық серіктестік те ауқымды түрде кеңеюде. Студенттер мен оқытушылардың академиялық ұтқырлығы артып, шетелдік жоғары оқу орындарымен байланыс күшейді. ҚР жоғары және жоғары оқу орнынан кейінгі білім беру ұйымдары ректорлары кеңесінің төрағасы, ЕҰУ ректоры Ерлан Сыдықов COMSTECH мүше елдері ЖОО ректорларының IV конференциясында сөз сөйлеп, интернационалдандырудың университет қызметіндегі маңызды бағыт екенін атап өтті. Аталған шараға әлемнің 150-ге жуық университетінің өкілдері қатысты.

Конференция аясында ЕҰУ бес шетелдік университетпен меморандумдарға қол қойды:

— Халықаралық ғылым, өнер және технология институты

— Лахор университеті

— Бахрия университеті

— Сиалкот университеті

— Beaconhouse ұлттық университеті

Соңғы жылдары университет әлемнің 12 жоғары оқу орнында ғылыми-білім беру өкілдіктері мен орталықтарын ашты.

Еңбек нарығындағы ЕҰУ түлектеріне деген сұраныс та жоғары деңгейде. Олардың кәсіби дағдылары, зерттеу тәжірибесі және цифрлық құзыреттері жұмысқа орналасу мүмкіндігін арттырады. Сонымен бірге университеттің мәдени және әлеуметтік өмірі белсенді дамып, студенттер үшін қолайлы білім беру ортасы қалыптасуда.

«Journiverse» білім беру орталығының оқушысы: Абдиади Адия