Әлеуметтік желілердің қазіргі жастарға әсері

   Қазіргі қоғамда әлеуметтік желілер жастардың күнделікті өмірінің ажырамас бөлігіне айналды. Instagram, TikTok, YouTube, Telegram сияқты платформалар жас буынның ақпарат алу, қарым-қатынас жасау және өзін көрсету тәсілін түбегейлі өзгертті. Бұл құбылыс жастардың өмір салтына ғана емес, олардың ойлау жүйесі мен дүниетанымына да айтарлықтай ықпал етуде.

Зерттеулерге сәйкес, жастардың 76,3 пайызы жаңалық пен ақпаратты негізінен әлеуметтік желілер арқылы алады. Бұл көрсеткіш ақпарат тұтыну мәдениетінің айтарлықтай өзгергенін аңғартады. Ал 2023 жылы әлемде әлеуметтік желілердің белсенді қолданушыларының саны 4,76 миллиард адамға жеткен. Яғни жер шары халқының жартысынан көбі бұл платформаларды тұрақты пайдаланады. Қазақстанда да әлеуметтік желілер жастар арасында кеңінен таралып, олардың күнделікті дағдысына айналған.

Әлеуметтік желілердің оң ықпалы

Әлеуметтік желілердің жастар үшін пайдалы қырлары да бар. Бұл платформалар арқылы жасөспірімдер жаңа білім мен дағдыларды меңгереді, түрлі бағыттағы ақпаратпен танысады және өз қызығушылығын дамыта алады. Сонымен қатар әлеуметтік желілер жастардың шығармашылық қабілетін ашуға, кәсіби мүмкіндіктерін кеңейтуге және жаңа байланыстар орнатуға жол ашады. Қазіргі таңда көптеген жастар әлеуметтік желілер арқылы өз білімін жетілдіріп, бұрын беймәлім салалармен танысуда. Әртүрлі форматтағы бейнероликтер мен интерактивті контент жастардың тарих, логика және жалпы дүниетанымға қатысты сұрақтарға қызығушылығын арттырып отыр. Бұл платформалар ақпарат алмасу мен пікірталас үшін маңызды алаңға айналды.

Теріс әсерлері және қауіптері

Дегенмен әлеуметтік желілердің жастардың психикалық және физикалық денсаулығына тигізетін кері әсерлері де жоқ емес. Зерттеулер көрсеткендей, күніне 3 сағаттан артық әлеуметтік желілерді пайдалану депрессия мен мазасыздық деңгейінің артуымен байланысты болуы мүмкін.
 

«Journiverse» білім беру орталығының оқушысы: Бахытжан Айжархын