ҚАЗАҚ ЖУРНАЛИСТИКАСЫНЫҢ ЖҰЛДЫЗЫ

    Қазақ халқының тарихында ерекше орын алатын,ұлттық педагогиканың негізін қалаушы қазақ әйелдерінің бірі - Нәзипа Сағынайқызы Құлжанова. 

Нәзипа - ағартушы,қоғам қайраткері,алғашқы қазақ журналисі.

Нәзипа Құлжанова 1887 жылы Торғай қаласында дүниеге келген. Оның білімге құштарлығы бала кезінен бастады. 

• 1902 жылы: Қостанайдағы қыздар гимназиясын үздік тәмамдады.
• 1903-1905 жылдары: Семей қаласында мұғалімдер семинариясында оқыды.

  Нәзипа Абай Құнанбайұлының шығармашылығын насихаттауға зор үлес қосты.

• 1914 жылы 26 қаңтарда: Семейде Абайдың қайтыс болғанына 10 жыл толуына орай алғашқы әдеби кешті ұйымдастырушылардың бірі болды.
• 1913-1918 жылдары: “ҚАЗАҚ” газеті мен “АЙҚАП” журналында мақалалар жазды.

  Нәзипа Құлжанова қазақ қыздарының арасында алғашқы болып кәсіби журналистикамен айналысты.

• 1920 жылы: ҚАЗАҚ АКСР Халық ағарту комиссариатының мектепке дейінгі тәрбие бөлімінде жұмыс істеді.
• 1922 жылы: Орынборда “Еңбекші қазақ” газетінің редакция алқасына мүше болды.
• 1923-1925 жылдары: “Қызыл Қазақстан” журналында хатшы қызметін атқарды.

 Нәзипа Құлжанова балалар психологиясы мен тәрбиесіне арналған алғашқы қазақша оқулықтардың авторы:

“МЕКТЕПТЕН БҰРЫНҒЫ ТӘРБИЕ” (1923 жылы)

“АНА МЕН БАЛА” (1927 жылы)

  Нәзипа Құлжанова 1934 жылы небәрі 47 жасында созылмалы аурудан көз жұмды. Нәзипа аз ғана ғұмырында қазақ әйелдерінің қоғамдағы орнын биіктетіп,ұлттық педагогиканың іргетасын қалап кетті.

“Journiverse” білім беру орталығының оқушысы: Тажигалиева Аяулым