A Colour Show сахнасындағы алғашқы қазақстандық шақырту: Еңліктің шығармашылық жолы

    Қазақстандық шығармашылық ортада жаңа форматтағы жобалар пайда болуда. Солардың бірі — A Colour Show. Аталған жобаға қазақстандық өнер иесі Еңлік арнайы шақырту арқылы қатысып, жоба тарихындағы алғашқы қазақстандық қатысушы атанды.

   A Colour Show — бағалау жүйесі мен қазылар алқасы қарастырылмаған, шақырту негізінде жүзеге асатын шығармашылық жоба. Жобаның түсірілімдері Германияның Берлин қаласында орналасқан кәсіби студияда өтеді. Бұл алаң қатысушыларға өз шығармашылығын еркін форматта ұсынуға мүмкіндік береді.

Еңлік кім және өнерге қалай келді? 

Еңлік — 29 жастағы шығармашылық тұлға. Ол еңбек жолын ағылшын тілі мұғалімі ретінде бастаған. Білім беру саласында қызмет ете жүріп, өнерге деген қызығушылығы біртіндеп кәсіби бағытқа ұласты. Осылайша, Еңлік шығармашылық салаға саналы түрде қадам басып, сахна мәдениеті мен музыкалық бағытта өзін дамытуға бет бұрды.

Оның өнер жолындағы алғашқы танымал жұмыстары қатарында қазақстандық аудиторияға кеңінен таралған Dop, Esep, Meili әндері бар. Аталған шығармалар Еңліктің шығармашылық бағытын айқындап, оның есімін тыңдарманға таныта түсті

A Colour Show — шығармашылық еркіндік алаңы

Жобаның басты ерекшелігі — қатысушылардың өнерін бағалау немесе салыстырудың болмауы. A Colour Show форматында басты назар өнер иесінің жеке стиліне, көркемдік шешіміне және сахналық болмысына аударылады. Осы жоба аясында Еңлік өз шығармашылығын халықаралық студиялық алаңда ұсынды.

Бұл қатысу — Еңліктің жеке шығармашылық жолындағы маңызды кезеңдердің бірі. Жоба оған жаңа тәжірибе жинақтауға, кәсіби ортада өз бағытын айқындауға мүмкіндік берді.

Жаңа белес

Еңліктің A Colour Show жобасына қатысуы — қазақстандық өнер өкілдерінің халықаралық шығармашылық жобаларға шақырту арқылы қатыса алатынын көрсететін нақты мысал. Бұл қадам Еңліктің өнер жолындағы жаңа белесті айқындап қана қоймай, отандық шығармашылық орта үшін де маңызды оқиға ретінде бағаланады.

Алдағы уақытта Еңліктің шығармашылық қызметі мен жаңа жобалардағы қадамдары көпшілік назарында болмақ.

“Journiverse” білім беру орталығының оқушысы: Қуанышбайқызы Альбина