Жас журналист болу — арманнан басталатын жол

Жас журналист болу — арманнан басталатын жол

Қазіргі ақпарат тасқыны заманда журналист болу — тек мамандық қана емес, батылдық пен жауапкершілікті қажет ететін жол. Жаңалықты дұрыс жеткізу, шындықты іздеу, қоғамға ой салу — осының бәрі жас тілшінің негізгі міндеті.

Көп жастар журналист болуды армандайды, бірақ неден бастарын білмейді. Ал алғашқы қадам өте қарапайым: оқу және бақылау. Кітаптар, мақалалар және сұхбаттар тіл байлығын дамытып, ойды жинақтауға көмектеседі. Жақсы журналист болу үшін ең алдымен жақсы оқырман болу қажет.

Келесі қадам — жазу тәжірибесі. Үлкен басылымнан бірден бастау міндетті емес. Мектеп журналы, блог немесе әлеуметтік желідегі жазбалар алғашқы тәжірибе үшін жеткілікті. Маңыздысы — ойды нақты және шынайы жеткізу.

Сұрақ қоя білу — журналистің ең басты қасиеті. Дұрыс қойылған сұрақ кейде ұзақ мақаладан да құнды болады.

Журналистика ізденісті сүйетіндерге арналған сала. Қызығушылық пен еңбек болса, үлкен жол кішкентай қадамнан басталады.

Автор: Айша Махфузқызы