Тарихи жеңіс: Михаил Шайдоров – Олимпиада чемпионы 2026

Қазақстан спорты үшін ұмытылмас сәт туды. Михаил Шайдоров Милан-Кортина-2026 Қысқы Олимпиада ойындарында ерлер арасындағы мәнерлеп сырғанаудан алтын медаль жеңіп алып, ел тарихындағы екінші қысқы Олимпиада алтынын сыйлады.Бұл – тек жеке спортшының табысы ғана емес, бүкіл елдің мерейін өсірген тарихи жетістік.

 Жеңіске апарар жол

Шайдоров қысқа бағдарламадан кейін 92,94 ұпай жинап, бесінші орында тұрған еді. Алайда еркін бағдарламада ол нағыз чемпионға тән мінез көрсетті.Төрешілер оның өнерін 198,64 ұпаймен бағалады. Қос бағдарлама қорытындысы бойынша 291,

58 ұпай жинаған қазақстандық спортшы алтын тұғырға көтерілді .Еркін бағдарламада ол бес бірдей төрттік секіруді сәтті орындап, техникалық күрделілік пен орындау сапасының жоғары деңгейін дәлелдеді. Бұл – Олимпиада финалында сирек кездесетін жоғары көрсеткіш.

Күміс жүлдені Юма Кагияма (280,06 ұпай) иеленсе, қола медаль Шун Сато (274,90 ұпай) еншісіне бұйырды.Қазақстан Қысқы Олимпиада ойындары тарихында бұған дейін бір ғана алтын медаль болған еді. Шайдоровтың жеңісі – ел қоржынына түскен екінші алтын жүлде.Сонымен қатар бұл – Қазақстан тарихындағы мәнерлеп сырғанаудан алғашқы Олимпиада алтыны. Осылайша, Михаил Шайдоров отандық спортта жаңа дәуірдің басталуына жол ашты.

Президент құттықтауы

Мемлекет басшысы Қасым-Жомарт Тоқаев спортшыны Олимпиада чемпионы атануымен құттықтады.Президент бұл жетістікті ел үшін тарихи маңызы зор жеңіс деп бағалап, Шайдоровтың жоғары шеберлігі мен қайсар рухына алғыс білдірді.Сондай-ақ Мемлекет басшысының шешімімен Олимпиада чемпионы II дәрежелі «Барыс» орденімен марапатталатыны хабарланды. Жаттықтырушылар құрамына және тиісті министрлікке жүйелі еңбегі үшін ризашылық білдірілді.

Ұлт мақтанышы

Михаил Шайдоровтың бұл жеңісі – жас спортшыларға үлкен мотивация, ел жастарына үлгі. Оның мұз айдынындағы сенімділігі, техникалық шеберлігі мен жеңіске деген жігері Қазақстан спортының әлеуетін әлемге паш етті.

Бұл – тарихи жеңіс.

Бұл – ел рухын асқақтатқан сәт.

Бұл – Қазақстан спортының жаңа алтын парағы.

“Journiverse” білім беру орталығының оқушысы: Бақытбек Гауһар​