Қазақ әдебиеті мен қоғамдық ойында Мұхтар Шахановтың орны ерекше. Ол – тек ақын ғана емес, ұлт мүддесін қорғаған қоғам қайраткері. Шаханов тұлғасы отансүйгіштік пен азаматтық ұстанымның айқын үлгісі болып саналады.
Ақынның есімі 1986 жылғы Желтоқсан оқиғасымен тығыз байланысты. Сол кезеңде кеңестік жүйе оқиғаның шындығын бұрмалауға тырысқанда, ол Мәскеудегі халық депутаттарының съезінде батыл сөз сөйлеп, Желтоқсан ақиқатын ашық көтерді. Арнайы комиссия құрылуына ықпал етіп, көптеген жастардың ақталуына жол ашты.
Мұхтар Шахановтың тағы бір күресі – тіл мен ұлттық бірегейлік мәселесі. Ол қазақ тілінің мемлекеттік мәртебесін нығайтуға күш салды. «Қазақстандық ұлт» деген тұжырымға қарсы шығып, ұлттық атау мен болмысты сақтауды талап етті. Бұл бағыттағы ұстанымын ашық түрде қорғап, қоғам назарын ұлттық құндылықтарға аударды.
Ақын жастарды рухани тұтастыққа шақырып, тек технологияны меңгеру жеткіліксіз екенін жиі айтады. Оның ойынша, жас буын туған жерін, тілін, тарихын және дәстүрін қастерлеуі тиіс. Мұхтар Шаханов – шындықты ту еткен тұлға. Оның өмір жолы – адалдықтың, намыстың және ұлттық рухтың үлгісі.
Авторы: Сағын Сымбат
- Бенедикт Спиноза
- Ясунари Кавабата
- Мұстафа Шоқай
- Абай Құнанбайұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі