Кейде ересектер «жасөспірімдер тез шаршайды, ештеңе істемей жалығады» деп ойлайды. Алайда бұл құбылысты тек жалқаулықпен түсіндіру дұрыс емес. Ғылыми зерттеулер жасөспірім ағзасында биологиялық ырғақтың ерекшелігі бар екенін көрсетеді.
Мамандардың айтуынша, жасөспірімдерде ұйқы гормоны – мелатонин кешірек бөлінеді. Сондықтан олардың ағзасы кеш жатып, кеш оянуға бейім болады. Таңертең ерте тұру кей жағдайда табиғи биоритмге сай келмеуі мүмкін. Бұған қоса, күнделікті оқу жүктемесі, қосымша сабақтар және әлеуметтік желілердегі белсенділік жүйке жүйесіне қосымша салмақ түсіреді. Соның нәтижесінде зейіннің төмендеуі, тез шаршау және тітіркенгіштік байқалуы мүмкін.
Зерттеушілер ұйқы жетіспеушілігі жасөспірімдердің оқу үлгеріміне және эмоциялық жағдайына тікелей әсер ететінін айтады. Сондықтан дұрыс ұйқы режимі өте маңызды: орта есеппен 8–9 сағат ұйқы және ұйықтар алдында экран уақытын шектеу ұсынылады. Жасөспірімнің шаршауы – әлсіздік емес, биологиялық және психологиялық факторлардың нәтижесі. Дұрыс режим қалыптасса, оның энергиясы мен оқу қабілеті де айтарлықтай жақсарады.
Авторы: Сағын Сымбат
- Бенедикт Спиноза
- Ясунари Кавабата
- Мұстафа Шоқай
- Абай Құнанбайұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі