Қазақстан тәуелсіздік алғанына 30 жылдан асты. Бүгінгі 18–30 жас аралығындағы жастардың басым бөлігі кеңестік кезеңді көрмеген, тәуелсіз мемлекетте дүниеге келген ұрпақ. Олар үшін 1986 жылғы Желтоқсан оқиғасы мен 1991 жылғы Тәуелсіздік – көбіне оқулықтағы дерек қана.
Тарихты білмеу – өткен мен бүгін арасындағы байланысты үзу. Ашаршылық, саяси қуғын-сүргін, тіл мен мәдениет үшін күрес кезеңдері жай ғана статистика емес, тәуелсіздіктің құны мен сабақтары. Бұл тарихты терең түсінбеген ұрпақ оның мәнін де толық сезіне бермеуі мүмкін. Қазіргі басты мәселе – тарихты тек жаттауға айналдыру. Оқушылар көбіне оқиғалардың датасын біледі, бірақ оның себептері мен салдарын талдамайды. Ал тарихтың шынайы құндылығы – дәл осы талдауда.
Тарихты үстірт білетін адам ақпаратты сыни тұрғыдан бағалауда да әлсіз болуы мүмкін. Мұндай жағдайда әлеуметтік желідегі кез келген ақпаратқа оңай сену қаупі артады. Ал өткенін түсінген адам әр оқиғаның астарын іздейді, салыстырады, ой қорытады. Тарих – тек өткенді сипаттайтын ғылым емес, ол – ойлау мәдениетін қалыптастыратын құрал. Өз тарихын терең түсінген жас манипуляцияға ермейді, саналы шешім қабылдайды.
Авторы: Сағын Сымбат
- Бенедикт Спиноза
- Ясунари Кавабата
- Мұстафа Шоқай
- Абай Құнанбайұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі