Қазақстандағы жасөспірімдердің денсаулығы

    Жасөспірімдердің денсаулығы – қоғамның болашағын айқындайтын маңызды көрсеткіштердің бірі. Алайда бүгінде дұрыс тамақтанбау, қозғалыстың азаюы, ұйқы режимінің бұзылуы және экран алдында ұзақ уақыт өткізу балалар мен жасөспірімдердің денсаулығына кері әсерін тигізуде.

Дүниежүзілік денсаулық сақтау ұйымының (ДДСҰ) деректеріне сәйкес, Қазақстандағы 11–15 жас аралығындағы жасөспірімдердің 66%-ы күніне ұсынылатын 60 минуттық физикалық белсенділік деңгейіне жетпейді. Ал тұрақты қозғалыс жүрек-қан тамырлары жүйесін нығайтып, дене салмағын қалыпты ұстауға және ұйқы сапасын жақсартуға көмектеседі.

Артық салмақ мәселесі де өзекті. Зерттеулерге сәйкес, 2018 жылы 11–15 жастағы балалардың 9,7%-ында артық салмақ байқалса, кейінгі мәліметтерде бұл көрсеткіш 15,4%-ға дейін өскен. Оның ішінде ұлдар арасында 19,2%, ал қыздар арасында 11,3% тіркелген. Сонымен қатар ДДСҰ мәліметінше, 6–9 жас аралығындағы балалардың шамамен 21%-ы артық салмақ немесе семіздікпен өмір сүреді.

Мамандар соңғы жылдары жасөспірімдер арасында ұйқының бұзылуы, күйзеліс және эмоционалдық шаршау жиілегенін атап өтеді. Бұған экран алдында ұзақ отыру, оқу жүктемесінің артуы және қозғалыстың азаюы әсер етеді. Мұндай жағдайлар оқу үлгеріміне, көңіл күйіне және жалпы денсаулыққа кері ықпал етуі мүмкін.

Жасөспірімдердің денсаулығын жақсарту үшін күнделікті дене белсенділігін арттыру, дұрыс тамақтану, жеткілікті ұйықтау және психологиялық әл-ауқатқа көңіл бөлу қажет. Денсаулыққа жасалған қамқорлық – болашақтағы сапалы өмірдің берік негізі.

“Journiverse” білім беру орталығының оқушысы: