Қазақстандағы туризмнің дамуы

    Қазақстанда туризм саласы соңғы жылдары қарқынды дамып келеді. Табиғаты көркем өңірлер, тарихи ескерткіштер мен ұлттық мәдениет елімізге шетелдік және отандық туристердің қызығушылығын арттыруда. Туризм бүгінде ел экономикасының маңызды бағыттарының біріне айналды.

2024 жылдың қорытындысы бойынша, Қазақстанда ішкі туристер саны 10,5 миллион адамға жетіп, 2023 жылмен салыстырғанда шамамен 900 мың адамға артты. Сонымен қатар елімізге 15,3 миллион шетелдік азамат келді. Бұл көрсеткіш Қазақстанның туристік әлеуетінің артып келе жатқанын көрсетеді.

Туризм экономикаға да елеулі үлес қосуда. 2024 жылы орналастыру орындарының табысы 224 миллиард теңгеге жетіп, өткен жылмен салыстырғанда 27%-ға өсті. Ал салаға тартылған инвестиция көлемі 668 миллиард теңгеден асты. Еліміздегі Көлсай көлдері, Шарын шатқалы, Бурабай ұлттық паркі және Түркістан қаласы сияқты көрікті орындар туристер ең көп баратын бағыттардың қатарында.

Туризмнің дамуы жаңа жұмыс орындарын ашып, өңірлердің экономикалық әлеуетін арттырады. Сондықтан бұл саланы дамыту - Қазақстанның халықаралық беделін нығайтып, ел экономикасының тұрақты өсуіне ықпал ететін маңызды бағыт.

«Journiverse» білім беру орталығының оқушысы: Амирбек Арай