Спорт — денсаулық кепілі

   Қазіргі қоғамда адамдардың өмір салты айтарлықтай өзгерді. Көпшілік күнін жаттығудан емес, телефон немесе компьютер алдында өткізеді. Қозғалыстың азаюы денсаулыққа кері әсер етіп, созылмалы аурулардың пайда болу қаупін арттырады. Сондықтан спортпен тұрақты айналысу әр адам үшін маңызды.

Спорт — денсаулықты сақтаудың ең тиімді жолдарының бірі. Ол қан айналымын жақсартып, жүрек-қан тамырлары жүйесінің жұмысын қолдайды, ағзаны шынықтырып, психологиялық жай-күйді жақсартады.

Дүниежүзілік денсаулық сақтау ұйымының мәліметінше, әлемдегі ересектердің шамамен 31%-ы жеткілікті деңгейде физикалық белсенділікпен айналыспайды. Белсенділігі төмен адамдарда жүрек-қан тамырлары ауруларының даму қаупі жоғары болады.

Күн сайын 20–30 минут спортпен шұғылдану денсаулықты нығайтып, өмір сапасын жақсартуға және көптеген аурудың алдын алуға көмектеседі.

«Journiverse» білім беру орталығының оқушысы: Амирбек Арай