Шетелде білім алатын қазақстандықтар саны артып келеді

    Қазақстандық жастардың шетелде білім алуға қызығушылығы жылдан жылға артып келеді. UNESCO деректеріне сәйкес, шетелде білім алып жүрген қазақстандық студенттердің саны 90 мыңнан асады. Олар шетелдік жоғары оқу орындарын сапалы білім алып, халықаралық тәжірибе жинақтау мақсатында таңдайды.

Қазақстандық студенттердің басым бөлігі Ресейде білім алады. Сонымен қатар АҚШ, Ұлыбритания, Германия, Қытай, Оңтүстік Корея және Жапония да сұранысқа ие бағыттардың қатарында. 2024 жылы Еуразиялық экономикалық одақ елдерінде 58,5 мың қазақстандық студент оқыған, олардың көпшілігі Ресей университеттерін таңдаған.

Шетелде білім алу жастардың кәсіби біліктілігін арттырып, шет тілдерін меңгеруіне және халықаралық тәжірибе жинақтауына мүмкіндік береді. Бұл үрдіс Қазақстанның адами капиталының дамуына және бәсекеге қабілетті мамандар даярлауға оң ықпал етеді.

«Journiverse» білім беру орталығының оқушысы: Садыкова Карлыгаш