Цифрлық технологиялардың дамуы журналист мамандығының жұмыс тәсілін де өзгертті. Бүгінде жаңалықты түсіру, өңдеу және жариялау үшін міндетті түрде кәсіби камера қажет емес. Смартфонның көмегімен журналист оқиға орнынан ақпаратты жылдам жеткізе алады. Бұл бағыт мобильді журналистика деп аталады.
Қазақстандағы цифрлық ортаға қарасақ, мобильді журналистиканың маңызы түсінікті. DataReportal мәліметінше, 2025 жылдың басында Қазақстанда 26,6 млн мобильді байланыс қосылымы болған. Оның 95,7%-ы 3G, 4G немесе 5G сияқты кеңжолақты мобильді желілерге жатқызылған. Сонымен қатар елде 19,2 млн интернет қолданушы және 15,7 млн әлеуметтік желідегі пайдаланушы идентификаторы тіркелген. (DataReportal – Global Digital Insights). Жаңалық тұтынуда да видеоның рөлі артып келеді. Reuters Institute-тің 2026 жылғы Digital News Report зерттеуінде әлем бойынша респонденттердің 77%-ы жаңалыққа қатысты онлайн видеоларды апта сайын көретіні көрсетілген. Ал жаңалық үшін TikTok-ты 20%, Instagram-ды 26%, YouTube-ты 34% қолданады. (reutersinstitute.politics.ox.ac.uk)
Сондықтан қазіргі журналист тек мәтін жазып қана қоймай, телефонмен сапалы видео түсіруді, дыбысты анық жазуды, ақпаратты тексеруді және оны әлеуметтік желі форматына бейімдеуді білуі керек. Мобильді журналистика — журналистің жұмысын жылдамдататын заманауи құрал ғана емес, аудиторияға ақпарат жеткізудің жаңа тәсілі.
Journiverse халықаралық журналистика мектебінің оқушысы: Алданияз Нурайым
- Омархан Айнұр
- Омархан Айнұр
- Ахмет Байтұрсынұлы
- Конфуций
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі