Өлең, жыр, ақындар

Жүр, қалқам

  • 18.04.2015
  • 1
  • 5
  • 18535
Шайқалып нұр,
Маужыраған мамырдан май тамып тұр.
Жайқалып қыр,
Тауға соққан боз сағым қайта ағып тұр.
Айталық сыр,
Серуендеп, жүр қалқам, қайталық бір.
Сырласайық,
Қызғалдақты иіскеп, бір жасайық,
Қыр басайық,
Өмсе бұлай мамырдың тұрмас айы.
Мұңдасайық.
Қос көңілдің пернесін бір басайық.
Танысайық,
Сенде - мамыр, ал менде - ағұс айы.
Табысайық,
Сенде - шырын, менде - дән, ауысайық?
Ауысайық,
Шырынын да, дәнін де тауысайық.
Құлақ талып,
Мына даңнан кетті ғой құлақ талып,
Жырақ барып,
Серуендеп қайтайық сыр ақтарып.
...Бара жатыр жанымды бір от қарып,
Жастығым ба, тірілген құлап барып?..



Пікірлер (5)

Заңғар

Мұқағалидың бұрынғы жария етпеген,өлеңдері барма...?

Еламан

Мұқағали дың өлеңі керемет мысалы:Ей,баурым ,күрсінбеші Тағы басқа өлеңдері

азима гой

керемет

Myrza

Өте керемет!

Пікір қалдырыңыз

Мен - Октябрь

  • 1
  • 4

Тоқтатып болмас,толқыннан туған алыппын,
Жасқанбай болмас,жаралған Күннен жарықпын.
Айырып болмас,достықтан туған халықтың
Еңсесі биік,ерлікпен келген шабытпын.

Толық

Сап-сары жапырақтар

  • 1
  • 12

Сап-сары жапырақтар...
Сал-сары жапырақтар...
Саудырап құлап жатыр атырапқа.
Біреудің жанарында,

Толық

Ғашықпын!

  • 1
  • 61

Ғашықпын!
Шын ғашықпын сол адамға!
Мен болмасам, болмайын. Сол аман ба!?
О, тәңірім! Неткен жан қайрылмайтын!

Толық

Қарап көріңіз