Өлең, жыр, ақындар

Кейіме, інім

  • 18.04.2015
  • 1
  • 2
  • 23046
Кейіме, інім,
Сен тартқан мұңды мен емгем,
Кеткенмін сосын,
Өзімді-өзім жебеумен.
Анамыз жомарт,
Бабамыз жомарт дегенмен,
Жыламай жатсақ,
Жарылқап, емшек берер ме.
Кейіме, інім,
Кездескен мұңға алғашқы,
Кесірлі шақтың болмасын тіле алды ащы.
Қып-қызыл шоқтан суырып алып зергерлер,
Салмай ма суға сертке ұстар семсер-алмасты.
Кейіме, інім,
Керемет күндер алдыңда.
Кемсіне берме,
Керенау тартса, тағдырға.
Сүрініп кетсең, қарғып тұр қайта, даярлан
Кедергілерден екінші рет қарғуға.
Келіпсің інім,
Кеңесіп қайттың көктемде.
Кейітпес едім,
Болмады билік тек менде.
Жұлмалап, тонаи, қалдырып мені шеткеріге,
Жымысқы-уайым жылысып саған жеткен бе?!



Пікірлер (2)

ен биринши бакытым Халкым менин

оте куши

Пікір қалдырыңыз

Менің мақсатым

  • 1
  • 4

Мен жырламаймын,
Сырласамын.
Сыры бар замандаспен мұңдасамын.
Асыққан уақытпен,

Толық

He айтам саған, жаным-ай

  • 0
  • 3

He айтам саған, жаным-ай, не айтам саған
Кете бердім жолменен шайтан салған.
«Қолда барда алтынның қадірі жоқ».
Қиын екен қосылып, қайта аңсаған.

Толық

Өр елім

  • 0
  • 1

Өр елім
Өрге тарт, менің өр елім!
Өңгеріп мынау ғасырды.
Мұқағали Мақатаев

Толық

Қарап көріңіз

Басқа да жазбалар