Өлең, жыр, ақындар

Кел, болашақ

  • 18.04.2015
  • 2
  • 8
  • 43630
Көп құмарттым өмірге, көп көрмедім,
Үміт еттім ұмтылдым, көп терледім.
Ашкөзденіп қайтейін, ей, Болашақ,
Көрмеген күндерімді өткер менің.
Сапалақ сан ой мені мезі қылды,
Сен түйсін, түйсінбеген сезімімді.
Атан жортса арқамнан мыңқ етпеген,
Айыптасаң өзің біл төзімімді.
Жыр жорығына аттандым, кезіп жүрдім,
Мен бір сәт дамылдадым, көзімді ілдім.
Жазылмаған жырымды жалғайсың ба?
Жаңа жыр бастайсың ба, өзің білгін.
Жөн болмас, сірә, емірмен ұстасқаным,
Бір ғұмыр дүниенің құшпас бәрін.
Күнің шығып келеді, ей, Болашақ!
Бесінге ауып барады түскі аспаным...
Өмір - мәңгі, уақыт - мүмкін, елес,
Кел, Болашақ! Сауық құр, күлкіңе көш!
Бір күн шықса, бір күннің батуы анық,
Екі күннің тұруы мүмкін емес!



Пікірлер (8)

Дина

Керемет

Бека

Күшті

Айару

Керемет тамаша

Перизат

Жарайды

ӘСЕМ-АЙ

ЖАРАЙСЫЗ

Аяна

Дала қандай тамаша
Көз тоймайды қараса
Тұрады ағаш қараса
Қарайды адам тамсана

Аяна

Көктем!
Менің өкпем!
Тамсанамын сені көрсем!
Көктем айта кетем,
Қуанам сені көрсем!

Пікір қалдырыңыз

Масақ

  • 1
  • 2

Біржола өлген ескі өмір тұмауратқан,
Біржола өшкен ескі жұрт қылау жапқан.
«Әулие тас» атанған жерге келіп,
Басын жаңа қазақтар құрап жатқан...

Толық

Серіксіз бе едің, құрбыжан?..

  • 1
  • 2

Сен әлі серіксіз бе едің,
Серіксіз бе едің,
Құрбыжан?
Өтіпті-ау айлар, еріксіз жылдар жылжыған.

Толық

Райымбек! Райымбек!

  • 0
  • 39

«Қара таудың басынан көш келеді».
Қара жорға шайқалып, бос келеді.
Қара күнді жамылып, қара қазақ
Қара түнді басынан кешкен еді.

Толық

Қарап көріңіз

Басқа да жазбалар