Нью-Йорктағы мейрамхана жуындыдан тамақтар ұсынады

Жақында Нью-Йоркта ашылған «wastED» мейрамханасы жергілікті халықты таң қалдырды. Мейрамхана бай келушілерге бағытталғанымен, тамақтары жуындыға тасталуы тиіс азық-түліктерден жасалады. Халықтың мейрамханаға деген көзқарастары әртүрлі. АҚШ-та қоқысқа тасталатын азық-түлік мөлшері үлкен, бұл мейрамхана мәселені шешудің экстремалды тәсілі сияқты.

 «wastED»-те 15 долларға (бір порциясы) мына тамақтардың дәмін татуыңызға болады:

 - әртүрлі сорттағы қалдық макарондарынан паста

- екінші сұрыптағы тәтті картоп кесінділері

- жеміс кесінділерінен салат

- кешегі ботқа

- тартар соусымен ет немесе балық кесінділері (көбінесе шеміршектері, жүзбеқанаттары және бастары)

- өкпе-бауыр,ішек-қарыннан тефтелдер.

Тәбетіңіз ашыла қоймаған шығар? Мейрамхана тәжрибе ретінде 3 апта жұмыс істеді. Осы аралықта 10 мың тамақ даярланған. Келушілер тамақ дәміне шаттанбасада, мейрамхана идеясы оларды қуантқан секілді.

Әлеуметтік желілерде бөлісіңіз: