Корейская косметика премиум класса

Абай Құнанбайұлы

Абай (Ибраһим) Құнанбаев Құнанбайұлы (1845-1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор. Абай ақындық шығармаларында қазақ халқының әлеуметтік, қоғамдық, моральдық мәселелерін арқау еткен.

Ұлы ақын, композитор, саясаткер, ағартушы, қазақтың реалистік жаңа жазба әдебиетінің негізін қалаушы.
Ақынның арғы тегі Орта жүз Тобықты Арғын ішіндегі Олжай батырдан басталады. Олжайдан Айдос, Қайдос, Жігітек есімді 3 ұрпақ тарайды. Бұлардың әрқайсысы кейін бір-бір рулы ел болып кеткен. Айдостың Айпара деген әйелінен: Ыргызбай, Көтыбақ, Топай.
Ана айтқанындай, шынында, бұлардың ішінде Ыргызбай ортасынан оза шауып, ел басқарған. Ыргызбайдан Үркер, Мырзатай, Жортар, Өскенбай тарайды. Өскенбай шаруаға жайлы, билікке әділ кісі болғандықтан, "Ісің адал болса Өскенбайға бар,арам болса Ералыға бар” деген мәтел сөз қалған.Өскенбайдың әйелі Зердеден Құнанбай туады.
Бірақ бұл оқуын әрі жалғастыра алмай, небәрі 3 жылдан соң оның мұсылманша да, орысша да оқуы аяқталады. Абайдың басқа балалардан алымдылығын аңғарған Құнанбай оны елге шақырып алып, өз жанына ертіп, әкімшілдік-билік жұмыстарына араластырмақ болады. Сөйтіп 13 жастағы Абай ел ісіне араласады.


Туындылары Өлеңдері Нақыл сөздері

Ақыл, қайрат, жүректі бірдей ұста,
Сонда толық боласың елден бөлек.

Ілмектер: ақыл, қайрат, жүрек Абай Құнанбайұлы

Қайратсыз ашу-тұл,
Тұрлаусыз ғашық-тұл.
Шәкіртсіз ғалым-тұл.

Ілмектер: ғашық, шәкірт, ұстаз, мұғалім Абай Құнанбайұлы

Ақыл - жан қуаты.

Ілмектер: ақыл, жан, қуат Абай Құнанбайұлы

Адам баласы адам баласынан ақыл, ғылым, ар, мінез деген нәрселермен озады.

Ілмектер: ақыл, ғылым, мінез Абай Құнанбайұлы

Адамның адамшылдығы жақсы ұстаздан болады.

Ілмектер: ұстаз, мұғалім, адам, адамшылдық Абай Құнанбайұлы

Пайда, мақтан, әуесқой — шайтан ісі.

Ілмектер: шайтан ісі, пайда, абайдың нақыл сөздері Абай Құнанбайұлы

Пейілі кедей байдан сақта.

Ілмектер: пейіл, кедей Абай Құнанбайұлы

Кейбіреулерге қанша мал бітсе де, байлық бітпейді.

Ілмектер: кедейлік, байлық Абай Құнанбайұлы

Жақсылық - ұмыт, жаңылыс - кек.

Ілмектер: жақсылық, жаңылыс, кек Абай Құнанбайұлы

Мен егер Закон қуаты қолымда бар кісі болсам, адам мінезін түзеп болмайды деген кісінің тілін кесер едім.

Ілмектер: адам, мінез, өзгеру Абай Құнанбайұлы

Жақсы дос - білген сырын сыртқа жаймас.

Ілмектер: дос, сыр Абай Құнанбайұлы

Артық ғылым кітапта, ерінбе оқып көруге.

Ілмектер: ғылым туралы нақыл сөз, кітап туралы нақыл сөз Абай Құнанбайұлы

Зерек ақыл - суық мұз.

Ілмектер: ақыл Абай Құнанбайұлы

Сүйер ұлың болса сүй, Сүйінерге жарар ол.

Ілмектер: ұл Абай Құнанбайұлы

Адам баласына адам баласының бәрі - дос. Не үшін десең, дүниеде жүргенде туысың, өсуің, тоюың, ашығуың, қайғың, қазаң, дене бітімің, шыққан жерің, бармақ жерің - бәрі бірдей, ақыретке қарай өлуің, көрге кіруің, шіруің, көрден махшарда сұралуың - бәрі бірдей, екі дүниенің қайғысына, пәлесіне қаупің, екі дүниенің жақсылығына рахатың - бәрі бірдей екен.

Ілмектер: адам, дос, ақырет Абай Құнанбайұлы

Досыңа достық — қарыз іс.

Ілмектер: дос, достық, қарыз Абай Құнанбайұлы

Бір жерде бірге жүрсең басын қосып,
Біріңнің бірің сөйле сөзін тосып.

Ілмектер: сөз Абай Құнанбайұлы

Өзін тәрбиелей білмеген, өзгеге өнеге көрсете алмайды.

Ілмектер: тәрбие, өнеге Абай Құнанбайұлы

Адамның көңілі шын мейірленсе, білім-ғылымның өзі де адамға мейірленіп, тез қолға түседі. Шала мейір шала байқайды.

Ілмектер: адам, білім, көңіл Абай Құнанбайұлы

Хақ сөзді бала айтса да тоқтамақ керек.

Ілмектер: хақ, сөз Абай Құнанбайұлы


×