«Үй жануарлары»

Мақсаты: Балаларға үй жануарлары туралы түсінік беру және тереңдету, оларды бір-бірінен ажыратуға , оларға қамқорлық жасауға, әңгімені мұқият, зейін қойып, тыңдауға үйрету,үй жануарларына байланысты тақпақ, мақал-мәтелдерді қайталай отырып сұрақтары арқылы тіл байлығын дамыту.

Әдіс-тәсілдері: Сұрақ-жауап, көрсету, түсіндіру.

Көрнекілік: Суреттер, төлдердің үлгілері.

 

Сабақтың барысы:

Ұйымдастыру кезеңі. Балалардың назарын сабаққа аудару.

Тәрбиеші:- Балалар жылдың қай мезгілі.

Балалар:- Қыс мезгілі.

Тәрбиеші:- Қай ай

Балалар:- - Ақпан айы.

Тәрбиеші:- Аптаның қай күні.

Балалар: -Сәрсенбі.

Тәрбиеші: -Күн қандай

Балалар: - Жақсы.

Тәрбиеші: - Балалар біз бүгін үй жануарлары туралы әңгімелесеміз. Үй жануарлары деп үйде ұстайтын жануарларды айтамыз. Олар мыналар;қой, ешкі, сиыр, түйе, жылқы. Сендер көздеріңді жұмыңдар, көз алдымызға ауылдағы төлдердің, үй жануарларына не жатады дедік айтайық.

- Мына жайлаудағы суретке қараңдар. Үй жануарлары төлімен жайылып жүр екен. Осы үй жануарларының төлдерін қалай айтамыз.

Тәрбиеші: Түйенің төлі

Тәрбиеші:  - Ботақан,

Тәрбиеші: Қойдың төлі

Балалар:  - Қошақан,

Тәрбиеші: Ешкінің төлі

Балалар: - Лақ,

Тәрбиеші: Жылқының төл

Балалар:  - Құлын,

Тәрбиеші: Сиырдың төлі

Балалар:  - Бұзау.

Балалар енді бүл жануарлар қалай дыбыстайды . Соны атап көрелік. Түйе боздайды. Қой маңырайды. Ешкі маңырай. Жылқы кісінейді. Сиыр мөңірейді. Сергіту сэті;Сағаттың тіліндей Иіліп оңға бір, Сағаттың тіліндей Иіліп солға бір Оң аяқ, сол аяқ Жаттығу оң аяқ.

Тәрбиеші:Енді шамалы дем алайық орнымыздан тұрайық сергіту сәтін жасайық.

Сергіту сәті:

Тербеледі ағаштар

Алдымнан жел еседі

Кіп-кішкентай ағаштар

Үлкен болып өседі.

Тәрбиеші: - Жарайсыздар, балалар!

- Балалар серігіп болсақ, мен сендерге осы төлдер туралы  өлең оқып беремін. Сенд ер қай төл туралы айтқанымды табыңдар.

 

Шөре, шөре, лағым,

Секеңдеме деміңді ал,

Тентек болма шырағым,

Селкеңдемей құлағың, - деп нені айтамыз.

Балалар:- Лақты.

Қара көзің мөлдіреп,

Қызықтырмай қоймайды.

Жібек жүзің үлбіреп, - деп нені айтамыз.

Балалар:- - Ботаны.

Әукім-әукім әукешім,

...әукесін,

Енең әне келеді,

Ақ мамасын береді.

Әукешім - деп нені айтамыз.

Балалар:- - Бұзауды.

Тәрбиеші:- Балалар, мен сендердің әрқайсыңа мына суреттерді көрсетемін, әртүрлі үй жануарлардың суреті, солардың аттарын атап қимылын жасайсыңдар немесе дыбысын келтіруге болады.

Балалар қызығушылық білдіреді.

Тәрбиеші:- Ал енді балалар осы үй жануарлары туралы мен жұмбақты қимылмен көрсетемін, сендер шешуін шешіңдер.

Басында екі таяғы бар.

Төрт аяғы бар.

Адам деуге болмайды,

Сақалы тағы бар. (Ешкі)

Балалар:-Ешкі

Тәрбиеші: Балалар енді көктем мезгілінде малдар төлдейді. Мен сендерге сурет көрсетемін соған қараңдар, мынау қандай жануар?

 Балалар:  -Қой

Тәрбиеші:Ал қой туралы кім тақпақ айтып береді.

Мағжан:

Қой баласы қоңырым,

Қойдан жуас момыным.

Шопан ата түлегі

Қошақаным қайдасың

Пүшайт - пүшайт.

Тәрбиеші: Бүл ненің суреті.

Балалар: Ешкінің.

Тәрбиеші: Ешкі туралы кім тақпақ айтады?

Сымбат:

Жауын жауса бақырған,

Ешкі атасын шақырған.

Өріске өскен жануар,

Шекетайым қайдасың.

Шөре – шөре

Тәрбиеші: -Тамаша, енді не көріп тұрсыңдар?

Балалар: бұл жылқы.

Нұрдаулет:

Жолға шықса көлігім,

Жапанда жүрсем серігім

Қамбар ата өсірген,

Құлыным менің қайдасың?

Құрау-қүрау.

Тәрбиеші: Мынау қандай төлдің суреті?

Балалар: Сиырдың.

Тәрбиеші: Сиыр туралы кім тақпақ біледі?

Дамира:

Тілім мұрын жалаған

Тілім бойын тараған.

Зеңгі баба өсірген.

Әукешім менің қайдасың?

Әукім - әукім.

Нұртас:

Екі көзі толадай,

Екі өркеші баладай.

Ойсыл қара бабасы,

Ботақаным қайдасың

Жолдас:

Көс - көс. (Түйе,бота)

Тарпаң - тарпаң тайлағым,

Ботақаным, маймағым.

Қара - көзің мөлдіреп,

Жібек жүнің желбіреп

Желк - желк етіп желесің

Енеңе еріп келесің.

 

Карақат (құлын)

Құлдыр - құлдыр құлыншақ,

Тынымсыз бір ұрыншақ

Ұршықтай боп бұлтылдап

Жұмыр, жоның жылтылдап.

 

Гүлсім:(қозы)

Қошақаным қоңырым

Мыңқ етпейтін момыным

Түрі неткен әдемі

Бұйра - бұйра тоның.

 

 

 

 

Аружан: (бұзау)

Томпаң - томпаң торпағым

Шошаладан қорқағым

Сүзісуге батырым

Жарысуға шорқағым

Гүлназ: ( лақ)

Тентек лақ тынымсыз

Мінезі бар ұғымсыз

Ертелі кешке ермейді

Қозыға маза бермейді.

Тәрбиеші: -Балалар сендер дұрыс айтасыңдар.

-Жарайсыздар, балалар!

III. Қорытынды

Тәрбиеші:- Балалар сендер бүгінгі сабаққа жақсы қатыстыңдар. Осымен сабағымызды аяқтаймыз. Әр уақытта да осындай белсенді болуларыңа тілектеспін Балаларды мадақтау, рахмет айту.

---