МИФ әлеміне саяхат

"ЖББ №15 орта мектебі" КММ информатика және математика пәнінің мұғалімі Мурат Ботакоз

Тақырыбы: «МИФ әлеміне саяхат»
Мақсаты:

Білімділігі:

Физика, математика және информатика пәніне деген қызығушылықтарын, білімге деген құштарлықтарын арттыру;

Дамытушылығы:

Оқушыларды өз бетімен ізденуге, білімін шығармашылық тұрғыдан дамытуға, өз бетімен қорытынды жасауға үйрету, сөз байлығын, ойлау қабілетін дамыту.

Тәрбиелігі:

Оқушылардың мақсатқа жету барысында жауапкершіліктерін жетілдіру, жетістіктерге жетуіне тәрбиелеу.

Түрі: Танымдық ойын

Көрнекілігі: интерактивті тақта, тапсырма парақтары

 Жүргізуші:

Ойын толқын жатқандай асып — тасып,
Біреу мығым, біреулер шалыс басып.
Бұл ойыннан өтеді ғұлама ойлар,
Жеңсең де, жеңілсеңде қалма жасып.

Жүргізуші:

Қайырлы кеш қадірлі қонақтар, ұстаздар, оқушылар! Бүгінгі «МИФ» әлеміне саяхат атты кешімізге қош келдіңіздер. Кешіміз үш топ білімдерін көрсету арқылы өтеді.

Уа,  жарандар, жарандар!

Зейін қойып бізді біраз тыңдаңдар

Ғылымдардың ғылымы

Математика, физика, информатика жайында

Ойынымызды бастаймыз

Ойының құрылымы:

1. «Жұлдызды сапар» кезеңі
2.  «Ғажайып үштік»
3. «Логика»
4. «Шебер қолдар» ойыны
5.  «Қызықты жұмбақтар»
6. «Мақал –мәтілдер жалғасын тап»
7. Қорытынды

Ең алдыменен сіздерге осы ойында әділ бағасын беретін, әділ қазылар алқасымен таныстырайық.

Әділқазылар алқасы: оқу ісі меңгерушісі Тусупбекова Эльмира Мекентаевна

Қазылар орнықтырар әділдікті,
Кімдердің жауаптары әділ шықты.
Білім мен тапқырлықтың жарысында,
Жеңіске жетер дейміз нағыз мықты, — дей келе, сайысқа қатысушы командалармен танысайық.

Қатысушылар:

 7 -9 сынып оқкшылары

Жүргізуші:

1. «Жұлдыздарға сапар»

Жұлдыздармен танысу,

Сапарға шығу аспанға.

Тамашалайық ендеше,

Қазақ халқы ертеден.

Ата салттан асқан ба?

«Жұлдыздарға сапар» өз-өздерін таныстыру. Әр топ өздерін өлеңмен таныстырады. 10 ұпайдан есептеледі.

 

         Білімнің ұшқырлығын танып сен,

        Асып, тасып, асықпа, қалыспа сен.

        Уақыт деген зымырап, зулап жатыр,

        Шапшаңдық бұл сайыста керек екен.

 

2. «Ғажайып үштік» кезеңі.

Бұл кезеңде әр команда ұяшықтарды таңдап сұрақтарына жауап береді. Балл ұяшық санымен бағаланады.

 

Математика	10	20	30
Физика	10	20	30
Информатика	10	20	30

 

	Сұрақтары	Жауабы
Информатика 10	Ақпараттың ең кіші өлшем бірлігі	Бит
Информатика 20	Адам мен компьютер арасындағы  қарым  қатынас(бейне сұрақ)	Интерфеис
Информатика 30	Қағаздағы кескінді түсіріп, дисплей экранына шығаруға мүмкіндік беретін бұл құрылғы кескінді машина кодына ауыстырып, компьютердің жадына жазады.	сканер
Физика10	Күштің өлшем бірлігі?	Ньютон
Физика 20	Тізбектегі ток күшін өлшейтін құрал. (бейне сұрақ).	Амперметр
Физика 30	Тоқтың жылулық әрекетін зерттеген ғалымдар?	Джоуль – Ленц
Математика 10	Таңбалары қарама – қарсы екі санның көбейтіндісі қандай сан?	Теріс
Математика 20	Бөлімдері 10, 100, 1000 болып келген  бөлшектер қалай  аталады?	Ондық
Математика 30	Бірдей үш цифрмен жазылған  үш таңбалы сан 3-ке де, 37-ге де бөлінеді. Ол қандай сан?(бейне сұрақ).	111

3.«Логика» үш топ картчкаға жауап береді.

 Пәндер бойынша логикалық сұрақтар

Информатика

div — бүтін бөлу (бүтін санды бүтін санға бөлгендегі бөлiндінің бүтін бөлігін табу), мысалы, 10 div 3 = 3.

10 div 3 = 3

mod — қалдықты табу (бүтін сандарды бөлген кездегі бүтін қалдықты табу), мысалы, 10 mod 3 — нәтижесі 1.

 

1. 27 div 5 = 5
2. 10 mod 3 = 1
3. 36 div 7 = 5
4. 63 div 8 = 7
5. 17 mod 5  = 2
6. 45 mod 8 = 5

Математика

      1.  Екі әке мен екі баласы 3 апельсин сатып алды. Әрқайсысына 1 апельсиннен тиды. Ол қалай болуы мүмкін.     (мұнда әңгіме атасы, әкесі және баласы жайлы жүреді)

       2.  Екі бес санның арасына қандай таңба қою керек, шығатын сан 5 –тен үлкен 6-дан кіші болу керек ( үтір, 5,5)

       3. Бір үлкен үйде 100 пәтер бар. Есіктің бетінде  9 цифры неше мәрте жазылуы тиіс (20 рет)

Физика  

1. Дүниеде ең жүйрік не? (Ой, қиял)
2. Көзіңмен көресің, бірақ ұстай алмайсың (көлеңке)
3. Жүгі болса жүреді, жүгі жоқта тұрады (аспалы сағат)

 

4. «Шебер қолдар» суретшілер сайысы.

   3 топтан бір оқушыдан  шықсын. Сайысымыздың шарты бойынша  сендерге қазір әр түрлі фигуралар сурттері көрсетіледі. Оларға қарап, естеріңе сақтап алуға 1 минут уақыт беріледі. Содан соң бұл сурет жабылады. Суреттегі фигураларды рет – ретімен  салып шығуларың керек. Бастайық!

 

 

 

 

 

 

 

5. «Қызықты жұмбақтар»

Физика пәні бойынша

1. Жердің жүзін шарлайсың,

Онсыз еш жерге бармайсың.

Көлікпен де жаяу да,

Саралайсың, таңдайсың. (Жол)

 2. Жылдамдықты өзгертеді,

Қоғалысты тездетеді.

Қарсы шықса қоғалысқа,

Тоқтарына көз жетеді. (Үдеу)

 3 Көп болса асықпайсың,

Мезетте қашықтайсың.

Асықсаң аз болады,

Табасың мұны қайсың? (Уақыт)

 4. Қозғалысқа келтіріп,

Жылдамдығын береді.

Өлшемдерін қарасаң,

Ньютонға ол келеді. (Күш)

5. Біз, біз, біз едік,

Бірегей жарқын қыз едік.

Тамашада көп болдық-

Таң атқанда жоқ болдық. (Жұлдыз)

Иформатика

1. Бір бетшені аштым да,

Мәтін жаза бастадым

Бірақ тілін шет елдің

Аудара алмай тастадым

Тілді қалай өзгертем

Көмектесші,достарым! ( Shift + Alt )

2. Ұзынтұра Жалқаубек,

Тұрмай ылғы жатады.

Қозғала қалса артынан,

Ешбір белгі қалмайды.  (бос орын)

3.  Биологияда бұл паразит,

    Көзге зорға көрінер.

    Информатикада өлшем бірлік,

    Ақпараттарды өлшер (бит)

4. Тетігін бассаң алаңсыз,

Жазады қалам, қағазсыз. (пернетақта)

5. Батырмасын басасың

Қажетті файлды ашасың (тінтуір)

 

Математика

1. Оң сандарға қол шатырдай

Қалпақ болған беделі

Квадраттасаң егер оны

Белгімсі оның кетеді (квадрат түбір)

1. Екі бұрыш ежелден

Тату көрші болған екен

Бірін-бірі толықтырып

Бір түзуде жатады екен (сыбайлас)

1. Екі түзу қатар жүріп

Үшіншісін қияды

Сонда шыққан бұрыштарды

Кімдер айтып жияды (айқыш, тұтас, сәйкес)

1. Қарама –қарсы қабырғалары

Паралель боп қосылған

Оқыңызшы аталуын

Параллель, грамм сөзі қосылған  (параллелограм)

1. Үлкен, кіші сандар арасына

Таңбаларды қойған кезде

Алынады қандай өрнек

Білейікші оны біз де (теңсіздік)

 

6.«Мақал –мәтелдер жалғасын тап»

Физика

 

1. Білмесең, «анықтамадан» сұра (Білмесең білгеннен сұра)
2. Түйені жел қозғаса

Ешкіні ....   аспаннан ізде (қозғалыс, тербеліс)

1. Жел соқпаса....  шөптің басы қозғалмайды (күш)
2. Ай мен күн ауысты

Тәулікті .... тауысты (жерлің өз осімен айналуы)

1. Ай жоғары әлемге

Күн жоғары ..... төменге (жарық сәулесі)

Математика

1. Екі жақса қас болмас

Екі жаман .... ( дос болмас)

1. Алты жыл аш болсаңда, .... (атаңның салтын ұмытпа)
2. Жеті жұрттың тілін біл, ... (жеті түрлі білім біл)
3. Жеті атасын білмеген .... (жетімдіктің белгісі)
4. Қызға ..... (қырық үйден тию)

Информатика

1. .Компьютерде екі колонка, дауысы жер жарады. (Айдағаны бес ешкі, ысқырығы жер жарады)
2. Байт биттен құралады.  (Теңге тиыннан құралады)
3. Вирустан қорыққан, Интернетке шықпас. (Шегірткеден қорыққан, егін екпес)
4. Компьютердің жұмысы, иесіне мәлім. (Аттың сыры, иесіне мәлім)
5. Антивирусы күштіні Вирус ала алмайды. (Досы күштіні-жау алмайды)

7. Қорытынды:

Көңіл бөліп бұл кеште

Қатысушыларға көп рахмет!

Алдыңызда жайнаған жүздер әлі

Сендермен кездесеміз біздер әлі, - дей келе біз танымдық ойынымызды аяқтаймыз.

Ендігі  кезекте әділ – қазылар алқасын тыңдайық.

Марапаттау, мадақтау

---