Бөлтірік шешен

Сөзден ащы нәрсе жоқ
Сөзден тәтті нәрсе жоқ
Сөзіңді тіліңе билетпе
Ақылыңа билет

Бөлтірік шешеннің нақыл сөздерінен үзінді

Бөлтірік Әлменұлы - қазақтың көрнекті шешені, биі, батыры. Бөлтірік Әлменұлы 1771 жылы қазіргі Жамбыл облысының Шу ауданында Шоқпар темір жол станциясы маңында дүниеге келген. Бөлтіріктің шыққан тегі Ұлы жүз Ысты. Шежіре бойынша Ыстыдан өрбіген бір ата Ойықтан Қызылқұрт, Зорбай Ауызсүзген, Орбай Көкшекөз Сәтек туған. Осы төрт бұтақтың Зорбайынан Байгелді, одан Қосай, одан Малтай, одан Сүйіндік, одан Өтеген, одан Сабдалы, одан Әлмен, одан Бөлтірік туады.

"Бала - артта қалған ізің емес пе?"

Бөлтіріктің қартайған шағында ақыл сұрай келген бір жас жігіт:

-Ақ ата бақ кімге қонады? Бала ыстықпа, байлық ыстықпа? - дейді. Сонда Бөлтірік шешен.

-Қарағым, байлық - қолға ұстаған мұзың емес пе, бақ-ол ұшқан құсың емес пе, бала артта қалған ізің емес пе. Бәрінен де жолдас - жораңмен, ағайын - туысыңмен, ел-жұртыңмен сіз - біз деп өмір сүргенге не жетсін. Осыларға жүрегің жылы болса, қайғың*құл, қуанышың от! - деген екен.