Өлең, жыр, ақындар

Қызғаныш

  • 30.04.2019
  • 0
  • 0
  • 3871
Қайсар бол,
Бол, немесе, кесір мейлі.
Кей туыс өшірмесе, өсірмейді.
Жоқ сенің зияның да,
Бірақ, бірақ
Жер басып жүргеніңді кешірмейді.
Өмірдің жас кезінде қызған әні,
Жастықтың арқасында із қалады.
Ат мінсең,
Кей ағайын,
Күші түгіл,
Түсін де тұлпарының қызғанады.
Аузыңа ала көрме қос соғымды!
Қас түгіл,
Көре алмайды дос соныңды.
Кей бауыр
Сөз қылады
Еңбегіңе
Лайық артық тапқан бес сомыңды.
Өзінен бұдыр тауып тегісіңнің,
Көзіме айтылыпты көбі сынның...
Кей жақын қимайды екен,
Басқа түгіл,
Бір елі биіктігін кебісіңнің!
Әр ақын әр нәрсені келеді аңсап.
Бірдеңе айтқың келер қалам алсаң.
Оныншы,
Жүзіншісің тірі кезде,
Ақын жоқ сенен артық өле қалсаң!
Жіберер аттандырып сапарыңа.
Оғы жоқ біреулердің атарына.
Апыр-ай!
Сен де, досым, жатасың ба
Осындай ағайындар қатарына?!



Пікірлер (0)

Пікір қалдырыңыз

Ауа райы көңілдің құбылады

  • 0
  • 3

Ауа райы көңілдің құбылады.
Құбылады,
Кім оны ұғынады?!
Қыран ойлар оянып ұйқысынан,

Толық

Қыр қазағы

  • 0
  • 3

Шопан, Диқан -
Еңбектің озаттары -
Жасандылық дегеннен азат бәрі.
Басылады көргенде көзіме оттай

Толық

Жасым болса келіп қалды кемелге

  • 0
  • 0

Жасым болса келіп қалды кемелге.
Дәулеттіге есептейді мені елде.
Бір кебеже, бір сандығы бар үйің
Бұл күндері толып кетті мебельге.

Толық

Қарап көріңіз

Басқа да жазбалар