Өлең, жыр, ақындар

Мүйісте

  • 23.04.2015
  • 1
  • 3
  • 12569
Селк етіп, секем алып қарадың-ау,
Қай таудың киігі едің, қарағым-ау!?
Төбеңде шыр айналып бала қыран,
Мүйісте мергені бар қала мынау.
Сондықтан секем алып қарадың-ау.
Кел,
Менің қасыма кел, қасыма кел,
Жеңдіріп үрейіңді, басыла гөр,
Сұлулыққа сұқтанған жат көздерден,
Жалт еткен жанарыңды жасыра бер.
Панала,
Қасыма кел, касыма кел.
От-суы, отауы ырғын жатқан қырдан,
Нендей күш сені мұнда аттандырған?!
Абайлап, адымыңды сақтандырған,
Бұл маңға несін келдің қақпан құрған
Арман ғой сені мұнда аттандырған?!
Үмітің, арманың да бәрі қалып,
Ауылды ойлап құр бекер налымалық.
...Жеткізіп тастайын ба тауыңа алып,
Құныңды, құралайым, таны барып.
Қарағым-ау, қай таудың киігі едің?!
Сыртыңнан қараймын да, сүйінемін.
Ғайып болып қай жаққа баратырсың,
Әлде бір домбыраның күйі ме едің?!



Пікірлер (3)

Әлия Жұмабек

Өте керемет өлеңдер жинағы

Сабыр

Мұқағали Мақатаевтың Мүйісте өлеңі керемет!

Асылхан

Сөз жоқ..

Пікір қалдырыңыз

Кешке таман естігенде

  • 0
  • 1

Капитолия кешке таман естігенде атымды,
Тыңдап тұрдым, шапалақтар шау қарғалар атылды.
Сол бір түн де бақытқа әкеп бөлемеді пақырды.
Мейрамдаған кездерде де, орындалып дегенім

Толық

Қап-қара, ғажап, сиқырлы

  • 1
  • 6

Қап-қара, ғажап, сиқырлы
Қашпаңдар қара бояудан!
Қандырып уыз-ұйқымды,
Қап-қара түннен оянғам.

Толық

Ақ гүл

  • 0
  • 85

Жаз болды.
Көріктенді құлпырып жер,
Оранып көк көрпеге бар өңірлер.
Төсінде жер ананың толықсиды,

Толық

Қарап көріңіз