Өлең, жыр, ақындар

Соғыста да

  • 01.05.2019
  • 0
  • 0
  • 5550
Соғыста да,
Бейбіт кез жаншылықта
Біз буынбыз заманға сай шыныққан,
Ащы менен тұщыдан тұрады өмір,
Басқан ізің тұрады қайшылықтан.
Әділ болсаң бағамды берші менің.
Бере алмасаң құр босқа тершімегін.
Кедей болсаң,
Кекжиіп менсінбейді,
Көре алмайды бай болсаң көршілерің.
Жас кезіңде:
Қуат бар,
Күш барында
Жарасады қонғаның,
Ұшқаның да.
Тірі кезде досың да жамандайды,
Өлгеннен соң мақтайды дұшпаның да!
Қалай ғана сенесің сол достарға,
Қулық-сұмдық ішінде мол бастарға?!
Ішкеніңе қайғырып бала-шағаң,
Ішпегенің батады жолдастарға.
Бұл адамнан бәрі де табылады.
Жаманың да,
Жақсың да танылады.
Осал болсаң —
Есектей ерттеп мініп,
Мықты болсаң —
Барлығы жабылады...


Пікірлер (0)

Пікір қалдырыңыз

Апам неге жылады?

  • 0
  • 1

Көзім түсті апамның
Көзіндегі жасына.
«Белгісі ме қапаның?» –
Деп келдім мен қасына.

Толық

Тоңазытқыш

  • 0
  • 0

Ыссыда ет біткенің базданатын —
Өзінің жоғалтатын жазған атын.
Қасық та жүзіп беріп майға тыққан,
Қалатын сүт дегенің шәй қатықтан.

Толық

Көктем шығып кетпесін

  • 0
  • 0

— Коньки теуіп үйренем,
Қиын дерлік несі бар!—
Күнде солай дегенмен,
Кәрім емес асығар.

Толық