Қадыр Мырза Әли

Не қиындық кездессе де жолыңда

Бұл бетте «Не қиындық кездессе де жолыңда» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.05.2019
0
0
5000

Не қиындық кездессе де жолыңда
Бәрі, бәрі ұлы өмірдің қолында.
Он арудың бірі сені сүйеді,
Ең сұлуы емес бірақ оның да!
Не қиындық кездессе де жолыңда
Бәрі, бәрі ұлы өмірдің қолында,
Он дарынның бірі ғана өседі,
Ең күштісі емес бірақ оның да!
Не қиындық кездессе де жолыңда,
Бәрі, бәрі ұлы өмірдің қолында.
Он ойыңның біреуі іске асады,
Ең керегі емес бірақ оның да!
Жалғыз ғана сен емессің қоғамда,
Жалғыз ғана мен емеспін қоғамда.
Онның бірі — мыңның бірі емес қой,
Шүкір де, дос!
Шүкір де, дос, оған да!

Қадыр Мырза Әли өмір шүкір не қиындық кездессе де жолыңда Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар