Өлең, жыр, ақындар

Той-думанға қимаймын мен кешімді

  • 01.05.2019
  • 0
  • 0
  • 2744
Той-думанға қимаймын мен кешімді,
Қиды десе,
Сен оған сенбе, шындық!
Бірақ қайда бармайын
Мені үнемі
Аңдиды да жүреді пендешілдік.
Бармайсың ба шақырса,
Барасың ба?!
Бір құдірет қазақтың бар асында.
Сол құдірет жібермей
Отырамын
Жаным сүймес жандардың арасында.
Осалдыққа, бауырым, қара мына:
Көзім жетпей тағдырдың тарамына.
Әпжыланға тап болған бозторғайдай
Арбалам да қаламын шарабыңа.
Қылмағанмен өмірді кәсіпханам,
Сүйсе болды қуаныш қысып қана,
Сөз дегенің пәле ғой,
Сиқыр ғой ол,
Түспейтұғын қақпанға түсіп қалам.
Еріну ме?
Бауырым, мен де ерінем.
Кейде нағыз жалқаумен теңгерілем.
Көз дегенің пәле ғой,
Нәркес көздің
Шыға алмаймын кей кезде шеңберінен!
Сұхбаттасып жаспен де,
Кәрімен де,
Емделдім мен сөзбен де,
Дәрімен де...
Сезім мені сүйресе,
Санам маған
Құтыл дейді осының бәрінен де!
Әкетпесе ағызып мытып ағын,
Сытылатын тұстарда сытыламын.
Құтылар ем бәрінен,
Мен өзімнен
Өзім қашып қалайша құтыламын?!



Пікірлер (0)

Пікір қалдырыңыз

Табиғат және мен

  • 0
  • 1

Табиғаттан қол үзу де — бір қайғы.
Күйбең тірлік қызығыңды ұрлайды,
Банкеттегі хрустальдің сыңғыры
Жапырақтың сыбдырына тұрмайды.

Толық

Ала жібін ешкімнің аттамадым

  • 0
  • 0

Ала жібін ешкімнің аттамадым.
Ақты даттап,
Қараны ақтамадым.
Көз салмадым біреудің қалқасына,

Толық

Сөздер

  • 0
  • 0

Мұны жақсы ұғынар
Ақыл-ойы ояулар.
Сөйлегенде құбылар
Әр сөзде мың бояу бар.

Толық

Қарап көріңіз