Көрініп тұрмағанмен көзге мінім – Қадыр Мырза Әли

Бұл бетте «Көрініп тұрмағанмен көзге мінім» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 01.05.2019
  • 0
  • 0
  • 3330
Көрініп тұрмағанмен көзге мінім,
Сыймайды қанша айтсам да сөзге мұңым.
Біреу кеп біреулерді жамандайды,
Өзіме бітпей жүрсе өз көңілім.
Өлеңде құдайым жоқ,
Абайым бар.
Кім маған пенсия-күн тағайындар?!
Зар болып жүрсем, шіркін, бір секундқа.
Алады сағатымды ағайындар!
Жолдастың хал-жағдайы ескерілді.
Жайлауға айналдырды дос төрімді.
Жаңылған ақыл сұрап мазалайды,
Мен өзім білмей жүрсем не істерімді.
Шынымды айтсам, достар таң қала ма?!
Мен бекер ірге тептім нән қалаға.
Біреулер бір қалыптан шықпа дейді,
Мен өзім сыймай жүрсем кең далаға!
О, туыс! Туысты мен жатсындым ба?!
Бауырды түсінбеген батсын мұңға!
Бірақ сен мақта деме жаманыңды,
Жүргенде місе тұтпай жақсымды да!
Сен осы дау-дамайға икем бе едің?!
Бауырым,
Тиіспегін!
Сүйкенбегін!
Шын айтам:
Селдіреп жүр,
Жұқарып жүр
Құрт жеген жапырақтай жүйкем менің!


Пікірлер (0)

Пікір қалдырыңыз

Жиі қойылатын сұрақтар

Көрініп тұрмағанмен көзге мінім өлеңінің авторы кім?

Қадыр Мырза Әли — осы өлеңнің авторы.

Көрініп тұрмағанмен көзге мінім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көрініп тұрмағанмен көзге мінім өлеңі не туралы?

Бұл өлеңде Қадыр Мырза Әли өз ойы мен сезімін көркем түрде жеткізеді.

Көрініп тұрмағанмен көзге мінім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері