Өлең, жыр, ақындар

Несіне өмір сүргенсің

  • 23.04.2015
  • 1
  • 6
  • 36374
«Сұраушының сүйген асын кім берер»
Барға - ырза,
Жоққа - сабыр, күн көрер.
Өкінемін, өшігемін несіне,
Тірі жүрсем, маған кезек бір келер.
Осылай деп ойламағам басында,
Мәз болыппын біреу шашқан шашуға.
Қашан көрем, көрмегенді жасымда?!
Өмір деген осы екен-ау расында.
Тіршілікте не істеседі кім кімге,
Тек өмірім өтпесе екен шерменде.
He жыны бар?!
Бақыт мені көргенде,
Кетеді үркіп, енді жете бергенде.
Түсінбеймін не пәлемнің барлығын,
Қайран басым, қаңғыдың-ау, қаңғыдың
Менің де бір болар шағым болды ғой,
Қайда әкетіп барасың сен, тағдырым?!
«Сұраушының сүйген асын кім берсін»
Барға - ырза,
Жоққа - сабыр, күн көрсін.
...Ей, бауырым!
Өз дәрежең болмаса,
Бұл жалғанда несіне өмір сүргенсің!?



Пікірлер (6)

Балжан

Мұқағали мақатаевтың осындай өлеңдерін ерекше жақсы көремін

Нұрлыбеков Мақсат

Өте керемет өлеңдер

Камалxанов Оразәлі

Адамға руx беретін,нәр беретін өте керемет өлең (Өз дәрежең болмаса
Бұл жалғанда несіне өмір сүргенсің!?)

Қонақ

Бұл өлең маған бір оқығаннан ақ унады

Мухтар

Қалай ғана дәл тауып осындай сөз шумақтарын құраған.

Арайлым

керемет өлеңдер

Пікір қалдырыңыз

Қар жауып тұр

  • 1
  • 8

Апыр-ау, бір-ақ түнде қыс келген бе?!
Қар ғой мынау, бір түнде түскен жерге
Бір түнде мына аймақтың өңі өзгеріп,
Бір-ақ түнде керемет істелген бе?!

Толық

Сен бе едің?

  • 1
  • 8

Көтерілмей жүргенде еңсем менің,
Армандадым, біреуді көрсем дедім.
Біреу маған алыстан қолын созған,
Қолын созған қамқоршым, сол сен бе ёдің?

Толық

Әулие

  • 1
  • 2

Сілелеп, құртып мұршаны,
Саят қып тауда жүргенде.
Сая ғып қалың шыршаны,
Кетіппін ұйықтап бірдемде.

Толық

Қарап көріңіз