Өлең, жыр, ақындар

Ахау, иғай, қоңыржай

  • 09.05.2019
  • 0
  • 0
  • 1947
Ойлап тұрсаң дүние шолақ екен-ау,
Бір-біріне адамдар қонақ екен-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!

Нешеу болсаң бір үйде сыйласып өт-ау,
Бұл өмірдің қызығы сол-ақ екен-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!

Келсең, қалқам, дәм тартып
Кегеніме-ау,
Қарсы алармын шығып ап белеңіне-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!

Көмекейде бұлбұлдың ұясы бар-ау,
Қандырармын әнім мен өлеңіме-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!

Түйе сұлу көрінер тайлағымен-ау,
Жолдас болма, қалқажан, қайдағымен-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!

Өз ауылы әркімнің Мысып шаһар-ау,
Болсын аман ауылың аймағымен-ау.

Ахоу, иғай,
Қоңыржай,
Айхой,
Сыңғырлаған даусыңд(ы)-ай!



Пікірлер (0)

Пікір қалдырыңыз

Жылқышы қыз

  • 0
  • 0

Сүйген қызым жылқышы, аты Жібек,
Ойлай-ойлай сол қызды кеттім жүдеп.
Көргенімше Жібекті тыным таппай,
Мазасынан айырылды қайран жүрек.

Толық

Қалқаш-ау

  • 0
  • 0

Қарайғаннан қарайып қамыс қалды,
Ауылы қалқатайдың алыс қалды.
Ауылыңа алыс қалған қарай-қарай,
Қайырылып, қаршығадай мойным талды.

Толық

Дүние-ай (3 нұсқа)

  • 0
  • 0

Аспанда ұшып жүрген қара шыбын,
Нәрсенің қолдан шыққан, дүние-ай, бәрі шығын.
Көп айдың көрмегелі жүзі болды,
Жүрмісің аман-есен, дүние-ай, қарашығым.

Толық

Қарап көріңіз